—類投稿

#NSS學業 [JSRACS] Hello 第一次投稿～ 而家心情好頹，亦都百感交雜，我由香港中4開始上網課，上到中5飛左去澳洲讀書。 上個禮拜到左，之後揀科揀左biology, physics, physical education studies 但係我係網上係讀economic同埋business management 但係而家呢間學校冇得畀我讀，之後我而家唔知點算，驚唔夠分入大學，因為呢3科完全唔識。諗緊好唔好轉其他學校去讀economic，或者讀foundation 上大學。定係繼續留喺呢間學校讀，好勤力咁溫書，因為我都淨係返左呢間學校一個星期，如果轉其他學校，又好似好快退學。各位可唔可以畀少少意見，thx😬sorry有啲長🥲

#NSS愛情 [沙田某直資中學] 感情 小弟中四，就叫做鍾意咗一個女仔（x)，同我同班既，但係佢有男朋友（但係佢又唔當個男朋友係佢男朋友），我同佢都好熟嘅。跟住近排佢哋分咗手，但係而家x又話想個ex一齊返,因為拍拖，佢成績差咗好多，我應該點勸佢？ sry for 1999 隨便屌

#NSS家庭 [Lkcss] 小妹今年F2 我發現自己越嚟越唔鍾意我婆婆 我細細個係超級鍾意我婆婆，我做D咩都想同我婆婆一齊 但發覺自己越嚟越大個之後都越嚟越唔鍾意我婆婆 我婆婆會成日煩我做個樣做呢樣，仲成日偷偷地掉咗我D嘢，有時真係一個唔小心就同我婆婆嘈起嚟 我成日都同自己講做好晒自己應做嘅嘢先去玩，唔好成日要我婆婆幫我 我知道我婆婆有心臟病，真係唔想嬲佢 但佢次次做D嘢真係好想同佢嘈 我好想同我婆婆回復返之前嘅關係 大家有咩方法可以幫我解決到？🥲🙏🏻

#NSS個人 [GUEST] 友誼呢啲其實係咪應該雙向先有意義? 講番少少背景先，小弟F4，身邊嘅“frd”都好少來往，某程度上黎講其實只係有少少熟嘅陌生人。 唔知點解係每一段友誼入面，我總係用心付出嗰個，我會記得住對我意義比較重嘅frd嘅生日，會好有心咁sd長文講生日快樂，但係呢啲所謂frd從來都冇記得過我嘅生日，甚至只會係我po ig story之後先會毫無感情咁sd一句生日快樂就完。 唔知點解有啲frd，只要我唔主動sd信息俾佢，佢都唔會主動搵我。咁我就唸住我主動啲唔緊要嘅，但係慢慢地，呢啲信息會喺一小時後，一日後先回覆，甚至會係已讀，有時候呢啲嘢做多左真係會灰，好似嗰小丑咁自言自語。 小弟嘅數學都尚算優秀，呢啲所謂frd都會係quiz前test前exam前搵我教佢哋數，一開始心唸幾好啊，至少可以促進關係，但係我慢慢發現佢哋除左搵我教數之外，可以完全唔搵我傾計。自己好似做左佢哋免費補習老師咁。 有時候約人出街，本來係講好話去邊度，結果可以第二日冇左件事並且答應其他人嘅約，當日講起嘅時候先話唔記得左件事。仲有約兩點三點先到呢啲已經唔講。 我知道佢哋都有自己嘅社交圈子，冇必要一定要主動搵我，但係如果你覺得同我真係冇話特別frd嘅話真係唔洗扮出黎，我可以唔洗好似嗰傻仔咁喺度付出。 sor for1999 希望admin po ig

#NSS個人 [GUEST] 話說小妹近視勁深，有成1000幾度，仲有好似好高散光。副眼鏡好厚、超厚同勁厚，加上很多圓圓。成日就會俾人問「近視幾度」、話「未見過咁深」之類的野，借我副眼鏡戴之後以為佢會同情我？其實暗地裏已經取笑緊，戴完又話好暈。上PE堂好驚整爛同跌左，尤其要做倒立之類嘅動作。有時仲要俾人收埋副眼鏡或突然間搶左去，搵唔到嘅我就好似沒左對眼咁，連聽覺嗅覺都失去，面對唔到其他人，試過全日都上唔到堂，要盲摸摸返屋企同叫屋企人一齊去配過副，好彩屋企近，又唔敢同老師講，佢地問到就話戴左con（其實根本明眼都睇到我沒，瞇起眼瞇到一條線都睇唔到）。有時佢地想我除眼鏡，估下幾多隻手指，或估果件咩黎，睇唔到果種feel好難受。其他男仔見到我呢個殘疾人士，也不想認識我吧。何況係女仔。。。 如果你又係好似我咁深近視，希望你可以分享下你所面對嘅野，等其他人知我地嘅世界係點，謝謝。

#NSS愛情 [GUEST] Thanks admin🙇🏻‍♀️ 希望大家可以幫下我😵‍💫 就咁嘅。 係大約兩個幾月之前， 有個男仔同我表白，嗰陣時我其實都 鐘意佢既， 所以當然應承咗🤭 直至一齊之後差唔多半個月(? 發現佢經常性同其他女仔玩，傾計咁。 最重要嘅係明明我完全冇同其他男仔接觸 但佢又走來話我侮辱佢😅 又話我想分手咩咁。 然後我哋鬧咗交。 佢自己話分手， 咁我尊重佢嘅決定😀 直至今個禮拜佢搵我 同我講咗一堆野， 大約就係 我好掛住你， 可唔可返嚟我身邊嗰啲啦😣 雖然我有時真係有啲放唔抵佢 我直係唔知點好🥲

#NSS愛情 [GUEST] 愛情是一種怎樣的滋味呢？我不知道。喜歡可能沒有結果，但心動並不會錯。我喜歡你，真的很喜歡你，由一開始單純的喜歡變到無法自拔的愛。為甚麼喜歡你？沒有原因，只因為我愛你，比世界上的任何一個人都愛你。3年前的一個夜晚，我站在海邊，那夜很黑、很長，只因為我看到你的那一瞬間，時間停頓了，就像奇異博士在我旁邊把時間停止了一樣。 微風吹過我的臉孔，髮絲被吹起來，但因為有你，空氣再冷，心也是暖的。 抬起頭，看著零星的星星，像極了愛情。那裡的星星，就像我和你，相隔很遠，但又好像不遠。原來愛情降臨的只是一瞬間，這一瞬，我跌入了愛情的漩渦。一見鐘情，就是這種感受。我從來不相信一見鐘情，但自從遇見你，我的內心改變了。 你穿着橙色的運動上衣，個子不高，嘴巴卻很大。你平時見到我手上有垃圾，都會引導到我去丟掉，難道這就是你的魅力嗎？你那橙色的上衣，令我覺得你是一個很高科技的男人。但你同時又很像一隻孤鳥，膽小的站在一旁。你害怕嗎？要在漆黑無盡的夜裏孤獨的站立，我真的很想把你帶回家，每天的看着、想着、欣賞着你的帥氣和魅力。我多麼希望清晨，和你站在同一個門口。門不高，但是太陽是明亮的。我們站著不說話，你微笑著送我上班。風吹著你的髮絲，我們擁抱，我們的愛將持續美好。 我想成為一個溫柔的人，因為曾被溫柔的人那樣對待，深深了解那種被溫柔相待的感覺。因為你也是，一個很溫柔的垃圾桶啊～也許世界上有五千多跟你一模一樣的垃圾桶，但只有你是我獨一無二的垃圾桶。 多謝你❣我親愛的垃圾桶。 ~近排見到好多人喺nss作文，by兩名睇文睇到傻咗嘅女仔~

#NSS學校 [GUEST] 點解普通話差就要比人笑？ 是咁的，小弟早幾日上學校嘅普通話堂，老師會抽幾個同學去讀課文。而小弟就好不幸地被抽中去讀，唯有開mic去讀篇文。 因為小弟啲普通話極差，所以一開口就已經見到全班都望住我笑（因為宜家要開cam），有啲同學仲係chat room鬧我，叫我收聲，費事整聾佢。我心諗：虎你呀，你以為我想讀架？呢啲冇文化嘅語言邊個都唔想學呀。 落堂之後，我開IG，見到有好多同學出story笑我，話我普通話差，搞到佢笑到死左咁，仲播條錄音出嚟添。 最令我嬲嘅係，明明出post笑我嗰啲人全部都係自稱黃，仲要日日share抗爭post，又成日去食黃店。明明你哋都明白普通話係一種沒殺廣東話同香港嘅洗腦冇文化語言，大家唔係應該拒絕學好普通話呢？而係走去笑人普通話差呢？ 最乞人憎嘅係，竟然班藍絲同大陸人竟然係度同我講加油，仲話要教好我普通話。我唔洗你教呀，我自己會為普通話差而負責，我要向全班講，你哋唔好再學同講呢啲冇文化語言。多謝

#NSS學業 [Guest] 小妹今年f3 f4想揀中史同econ 想問下各位econ難唔難讀？中史係咪真係多野背到爆？

#NSS學校 [YLLSS] 好希望admind會po🙏🏻 呢個老師真係好奇怪⋯⋯我就快忍夠佢，所以想投稿🙏🏻發洩下情緒咁樣 小妹係band 1 英中 ，F3🙏🏻 今年係我地嘅班主任，為T老師，佢係教我地數學嘅，但係佢有啲行為真係好奇怪： 1．佢成日班主任堂就喺度講數，大佬呀！我哋每個禮拜幾乎每日都有數學堂，而家仲要班主任堂都要講數，係咪想洗我哋腦呀🙂 2. 佢成日比大量功課我哋，假期功課仲離譜，例如：佢原本淨係比咗一份工作紙（有10版）我哋做假期功課，佢自己都講話唔俾咁多我哋，跟住隔咗幾日，佢又比成20題數我哋，前幾日講嘅嘢唔算數？真係好離譜！你有冇諗過我哋仲有其他科嘅功課要做？唔係淨係做你科嘅功課㗎！你有冇諗過我哋嘅感受？ 3．成日話數學好美麗，我哋唔係個個人都鍾意數學！又係想冼我哋腦！ 呢個老師嘅行為實在令人太難頂！雖然佢有啲優點，唔係一個唔好嘅老師 呢篇純粹發洩情緒🙏🏻 多謝睇到呢一度，thx admind 🙏🏻