#NSS其他 [Guess ] (以下內容有好多粗口，唔鍾意請飛走) 小妹今年F3 ，屋企有養一隻倉鼠 琴日見到政府說有一千幾隻倉鼠要被“人道”毀滅 想講自己嘅睇法 痴撚線冇撚嘢呀 小動物都有生命㗎 倉鼠中咗就要人道毀滅 人中咗隔離就算 咁樣嘅話咁參加生日會嗰200隻幾時人道毀滅呀 呢個政府真係弱智 買咗返去兩個月都有感情啦 點樣叫啲小朋友將啲倉鼠放心交畀你哋呀 仲要話人道處理喎 乜原來安樂死叫人道處理 咁不如人道處理埋你班仆街啦 邊鳩個會放心將啲寵物交畀你哋處理呀dllm 倉鼠做錯啲咩呀 錯嘅係你哋班仆街呀 真係有病呀戇鳩 錯嘅係你哋班高官點解要由啲倉鼠去承受呢個結果呢 係你哋班無能嘅官員問題
#NSS學業 [band 1 女子中學] 講少少背景。f3選科，剛剛考完試。F1,F2 受打擊太多，曾經試過自X，好努力咁改左。但係就變左雙面人。係學校表現得無憂無慮，但係一到夜晚就好抑鬱，冇人知道。 呢排派卷，考得唔理想。但係都冇表現出來。 事因今日知道physics分，唔及格。另外一個朋友都唔及格，但係考得比我好，但係佢超唔開心，咁我就安慰佢la,唔緊要，我考得比你仲差。另外一個同學就寸我話： 佢又唔係你，個心情咁好，唔關心自己D分數。 我果下真係沉默左，我幾時唔關心自己ge分數呢，小學曾經想向社工求助過，但係最後咩都係比屋企人知(屋企人冇一個理解到我 甚至鬧我)。從果一刻開始我就冇相信過任何人。。。 我已經開始無法控制自己ge自X(比自X仲嚴重)想法，我應該點算好。。。 我覺得自己前途無望。。。 係咩真係如老母咁講，我低能，係一個廢物呢。。。 sorry for 1999
#NSS社會 [Guest] 請體諒交倉鼠嘅人 唔肯接受「與病毒共存」的確係反智。但就算真係接受與病毒共存，都唔等於見到有爆發風險都唔去處理。至少十一隻倉鼠有武肺，流出市面嘅倉鼠有冇感染都冇人知，就此斷言其中一定有倉鼠感染，或者冇倉鼠感染，其實都係反科學（咁講係因為聽到好多人話前者係反科學）。面對危機，正路嘅處理方法當然係從最壞打算出發。最近喺嗰度買咗倉鼠嘅人，驚係好正常嘅事，佢哋面對緊嘅風險，係倉鼠有可能將武肺傳染畀全家人，進而去到鄰居（就算你話武肺症狀輕微，都唔代表可以有得佢爆）。所以要人交番啲倉鼠出嚟係合理。 有冇需要殺曬啲倉鼠？ 道德上，殺曬啲倉鼠當然係唔啱嘅，理想嘅做法一定係政府收集曬返嚟，逐個檢測，有事嘅就治療，冇事嘅就還返畀人。政府而家決定咗要全部殺曬，你當然可以話係唔人道，殘忍，濫殺無辜。但實際啲，如果資源（藥物，護理人手，檢測工具同人員）唔夠（二千隻倉鼠絕對係一個大數目），咁的確係要作出取捨，兩害取其輕。所以究竟殺曬啲倉鼠呢個決定係唔係合理，我覺得係要睇政府究竟有冇充足資源。而呢個答案可能真係得班官先清楚。 咁而家政府話會殺曬啲倉鼠，咁買咗倉鼠嘅人應該點做呢？ 其實佢哋係處於一個困境。你覺得倉鼠條命同你一樣平等，所以喺你唔清楚佢有冇武肺嘅情況下選擇唔交，你肯冒呢個風險，你嘅鄰居又肯唔肯冒呢個風險？你為咗保住一隻倉鼠條命，而要咁多人同你一齊冒險？一旦咁唔好彩，真係因為你強留隻倉鼠搞到社區爆發，你就真係會成為罪人。 相反，你唔願意冒呢個風險，所以交隻倉鼠出去送死，又會畀網上面嗰班局外人，企喺道德高地上嘅人口誅筆伐。今朝（19號）交倉鼠嘅人已經畀班網民咀咒全家，話佢哋自私冇人性。 喺交倉鼠嘅呢件事上面，其實當人嘅利益同動物嘅利益衝突嘅時候，保障人類先有咩問題。咁樣做係好自私，但冇辦法，每個物種都係會為自己嘅物種作打算先。 有啲人鬥氣會話 「咁點解懷疑染疫嘅人類唔使人道毀滅」，「要滅絕嘅應該係人類」。對地球嚟講，都啱嘅。但企喺人類嘅角度嚟講，都係嗰句，咁梗係考慮人類自己先㗎啦。 咁點解人類唔使人道毀滅? 要滅絕嘅應該係人類? 你先請。 呢件事帶畀我嘅另類反思 比起蚊老鼠曱甴條命，其實貓貓狗狗倉鼠條命係咪矜貴啲？前者你就一嘢拍死，後者你就呵護備至。係咪因為蚊老鼠曱甴係害蟲（純粹籠統歸納，我知老鼠唔係蟲），對人類有害？呢班害蟲只係可能會對人類有害，咁其實而家呢班倉鼠都係有可能對人類有害，咁點解你會郁前者而非後者？係咪因為貓貓狗狗倉鼠個樣得人鍾意啲？呢個例子反而更加印證到，人係重視自身利益多於動物權益。 最後最希望嘅係，大家諗嘢嘅時候冷靜啲，全面啲，呢個世界唔係非黑即白，好多嘢都係要權衡利弊，唔好對交倉鼠嘅人咁苛刻，倘若你同樣身處呢個困境，你可能一樣會咁做。 （殺野豬同埋殺馬嗰兩單係完全錯，同呢單係有分別） （預咗好多人都唔啱聽，我講嘅嘢未必係啱曬，歡迎理性討論）
#NSS學校 [guest] 小女今年 form 2,讀女校，想問大家一樣野嘅意見。 我係form 1 時識咗個 friend(?)叫 A。一開始佢同我小學啲同學都差唔多，所以幾玩得埋,但係過咗一排之後，同佢傾偈嘅時候，佢永遠都將話題轉移去成績。我哋成績都叫中上，不過我一直都唔鐘意比人知。但係佢不斷咁喪問我分數，就算同佢 講話唔想比人知，佢都繼續問。令我開始懷疑佢係唔係心同我做friend。 去到form2 (學校係了3年轉一次班),因為變返實體，我喺班度識多咗好多friend(全部都唔鍾意A)。有一次，我同另外嗰班friend一齊去迪士尼，冇搵A。返到學校之後，佢就好似知道咗件事，不斷咁問我啱啱個假期做咗啲咩，幾點起身，有冇打機，跟住又話自己下個假期有幾慘。之後我同班friend講講下迪士尼A就出現，開始問我哋“你都會去迪士尼㗎 ？你哋下次去預埋我啦?”搞到我哋全部都好尷尬。 之後我哋有份project，我啲friend決定加埋A入我哋個組，跟住佢係完全唔做嘢。去到第二份project，我哋唔決定加佢入組，跟住佢不停send一大堆WhatsApp比我哋幾個，最後我哋要搵多幾個人入我哋個組,再同佢講我哋full咗先搞掂。 過咗一排，老師派番History嘅Test俾我哋,咁其實你A不嬲喺History都好勁,但係今次我高分過佢,佢喺無恥咁偷睇完我啲分數就立即黑我面，miu我嘴。 想問下大家我應該點同A相處?
#NSS愛情 [Shatin no 1] 給F4的那個女孩 唔經唔覺都已經鍾意左你9年啦，小學畢業之後都冇機會見啦。 不知何時漸漸喜歡上你，只有在記憶中才依稀記得你那天真爛漫的笑容。仲記得一開始見到你係練習集誦嘅時候，那個自帶氣質嘅眼神加上可愛嘅笑容，令我的心融化。 每次我想壓抑自己的情緒，每次就忍不住去偷望你，嘗試在黑白的世界裡找到點色彩，但又馬上把頭轉回來，深怕你會發現。 小學生涯就係為左你而去爭取不同的機會去親近你。我地都一齊經歷過唔少野，一齊打辯論啦etc 。 命運總是殘酷的，小學畢業之後，你升上了女校。我地都冇機會再見……. 係中學期間，有的舊朋友都會問同我講：都過去啦，都過去啦，時間會沖淡一切。但是我對你那一份的愛同思念是難以忘懷的。每一次合埋眼，都會夢見你係我身邊。直到現在，你還是無法被取代的，而我都無法停止我對你的愛。 畢業前，我一直都想開口講我嘅心意比妳知，依家已經冇機會啦。依家我想藉住呢個機會同你講 「 我愛你，繼續傻下去吧！」 你不用知道我是誰，也無法知道。 如果時間能夠倒流，我希望我能回到過去，握住那一瞬間，那就已經足夠了。 你口中的crazy man
#NSS愛情 [GUEST] Hi小妹今年16，女校。有個friend令我真係唔知點講好。話說佢係bisexual啦，之前佢鍾意過我，但我同佢講番我係直嘅，所以就做返朋友。咁平時都會分享自己嘅事，佢係好容易鍾意人嘅類型，轉得好快，咁佢鍾意過嘅對象（全部都係女仔）我都知道嘅。 事緣係佢最近有個男仔追佢，佢就求其同意咗。但佢就成日搵返佢之前鍾意過嘅女仔係度親密，例如錫面、十指緊扣、嗌對方bb嗰啲，仲周圍吹水講佢同個女仔一齊咗嗰種。嗰個女仔以為佢都係直，於是當佢好朋友，冇覺得行為有咩不妥。佢男朋友都不以為意，當係女性朋友之間嘅互動。 作為知情者，我真係無法接受。我覺得佢行為唔太檢點，有啲出軌嘅感覺。當然無可否認佢男朋友好鍾意佢，但個人認為佢借性別紅利嚟親近鍾意過嘅女仔真係有啲心機，因為冇人懷疑。大家覺得算唔算出軌？
#NSS社會 [GUEST] 人性 被玩弄、售賣，卻換來滅殺。依舊到曾經覓食的地方，覓到的，卻是無情的麻醉藥。 一次又一次的殺繆，牠們又錯了什麼？ 人類與其他動物，本是平等，皆為生物，然而，被賦予的智慧和權力，造就了人類的自大，以為能主宰一切的思想，使一隻又一隻的動物倒在血泊裏，痛苦哀嚎。利益封閉了人類的雙耳，奪去良知。其實，人類又有多厲害？沒有其他動物，能有現今的繁榮？牠們沒有回報，甚至換來死亡，真正的病毒，是肺炎，還是人？ 你說動物沒有對死亡的恐懼，但就能如此獵殺？你說你也心痛，你又看戲般地看待這一切？人也是動物，若有一天，比人類更厲害的動物出現，壓制著人類，同樣的無情，哀叫著的是人類而不是其他動物，你又會怎樣？ 自然賜給我們一切，而我們卻肆意破壞，很難想像沒有報應的結局。 生物本應平等，而人類卻破壞了這平衡。 罪孽深重。