—類投稿

#NSS個人 [GUEST] 求過pls🙇🏻‍♀️🙇🏻‍♀️ 雖然咁樣講有啲人可能覺得我喺度扮可憐但係我真係唔知可以點算 想大家俾啲意見🙏🏻 係一段時間前我條頸上邊已經出現咗啲淋巴結，雖然而家呢段時間要消退左，但係身體上邊出現嘅其他問題屋企人唔帶我睇醫生…..我今日考試嘅時候突然間條頸有一粒嘢，我以為同之前一樣就冇點樣重視。考完試小息時間同我班friend傾偈同佢哋講咗，突然間其中一個朋友同我講話之前佢就係咁樣叫我盡快去睇醫生 因為佢之前都咁出過事…但係呢啲嘢我根本唔知可以點樣同我屋企人開口，以前心臟有少少問題佢哋都唔帶我去睇醫生！！！更何況呢一次只係少少發炎…我問過一啲朋友佢都話如果有痛嘅話一定要盡快去醫院，我依家食嘢吞口水條頸轉一轉都會有拉扯同埋痛…我真係唔想出事，想大家幫我分析下同埋俾少少意見可以令我去睇醫生🙏🏻可能有人覺得我唔識開口但係我班主任有嘗試幫我去溝通過但都冇用….. thx🙇🏻‍♀️🙇🏻‍♀️

#NSS學業 [GUEST] 想問下有冇人去過恆大新聞及傳播嘅面試？有冇經驗可以分享下（e.g. 問咗咩問題、有咩要注意）🙇🏻‍♂️🙇🏻‍♂️🙇🏻‍♂️

#NSS愛情 [guest] 想問大家覺得f4或者以下嘅戀愛會唔會有結果？ 小妹係一個認真嘅人，從來唔會覺得拍拖係為左熱戀期為左玩玩下。 最近有男仔追，佢對我好好，而且唔係愛情大過天唔讀書嘅人。 所以想知道大家對中學拍拖嘅諗法，唔該嗮。

#NSS學業 [黃大仙女校] Hi大家~小妹第一次投稿，文筆唔係幾好🙏sorry 🙏 係咁嘅~小妹F4，其他科成績還算ok，但唯獨數學呢科比較差，平時都淨係得嗰十幾分，對數學可以話係一竅不通，加上今年比咗嗰唔識教書嘅啊sir教，上堂淨係做一次書上面嗰啲example就算，自問都有努力過，但見到啲題目真係唔識做，試過做到喊，但最後都失敗，我知道我應該去補習，但係我屋企比較窮，疫情底下屋企人收入低咗，我又唔想嘥錢，我應該點先可以令我數學進步，至少合格都好🥺sorry for 1999 要鬧就鬧輕手啲🙏

#NSS愛情 [CFS] 我暗戀一個同級f2嘅女仔 該去表白嗎

#NSS愛情 [Guest] 標題：係唔係依家呢個時代個個都咁八婆 呢度將會用第三人稱描述（打錯字麻煩大家唔好屌😻🙏🏿，同埋提醒一下大家，接落黎嘅劇情刺激過宮鬥劇） 始源係咁嘅，E有個閨蜜叫L，L鍾意左N三年，本身比左N嘅contact比E，諗住E幫手撮合。但係E根本上完全冇理。後來E同N傾左兩句，L就覺得佢地兩個有曖昧。 L就即刻覺得要報復，去左E嘅following list度搵E嘅數學班師兄（係呢度我地簡稱Z，順帶一提，E嘅師兄係軟飯男，而且日日換女）跟住L dm左Z，同佢講C鍾意佢，重要係咁係佢面前踩C。 咁C都覺得佢好八婆，於是就想方設法令N鍾意左自己，跟住L就要日日見住N係度向C表達愛意，又幫佢做功課又幫佢溫書，簡直係愛而不得。 後來L send左段長文道歉 但係N完全無動於衷，C就衰心軟，覺得L真係認錯。 第二日L係度宣布話佢同Z拍拖。 C係完全超級震驚，跟住唔開心左一段時間吧？ 跟住去到最後，Z應該係頂唔順L太痴身，L被分左手。但係L好似完全唔care咁，C重要係人地口中聽到L講「有過總比冇好」，C完全覺得佢係串緊。 究竟係唔係小妹嘅問題，係唔係真係依家個個都咁八婆？

#NSS個人 [GUEST] 想問吓大家有冇尷尬癌呢樣嘢🥲 小妹今年15歲🥲 近呢幾年突然間發覺自己有陣時做少少嘢都會覺得好尷尬….. 例如：可能同唔係好熟嘅friend講嘢唔小心有鄉音會尷尬到想死，然後會記勁耐…. 或者同friend食飯撞到啲唔熟嘅人唔敢喺佢哋面前除口罩….除咗又覺得尷尬咁 或者唔小心kick親，身邊就算有friend喺度都覺得尷尬…. 有陣時就算係啲好熟嘅friend面前，突然間唔記得咗自己想講啲咩又好尷尬…. 反正做少少嘢就覺得好尷尬🥲 尷尬癌呢樣嘢唔多唔少都幾困擾我 一直都好想搵方法去改，但係唔知可以點做好… 唔知有冇人同我一樣🥲 如果有嘅話可唔可以喺底下留言俾小妹你哋平時點🥲🙏🏼 Sorry for 1999 如果有打錯字請原諒😣😣

#NSS愛情 [guest] 同個男仔係同學，平時都一直會一齊傾計，但係有時同佢傾計會覺得佢講嘅嘢好尷尬，又或者有少少曖昧嘅時候我就會覺得好核突，但係大多數時間同佢講野都好開心，咩都想同佢講一餐，咁我究竟係鍾意佢定係唔鍾意佢 想知道大家有冇試過同我一樣嘅感受😵‍💫🙏 唔該admin🙏

#NSS個人 [GUEST] 【希望可以post上IG】 是咁的，話說一兩日前小弟就係IG上面識左一個女仔，就好想同佢做frd。但係奈何小弟我自問同啲唔熟ge人傾計唔係特別好，所以想請教下究竟應該點樣同啲唔熟ge異性傾計？In particular，到底一開始最好講啲咩話題（例如講最近考試？）同埋要點先可以避免一問一答咁尷尬？希望各位可以幫下小弟，thx！！

#NSS個人 [GUEST] （少長文，慎入）對於自己嘅前途好迷惘，希望各位可以俾下意見🙇🏻‍♀️🙇🏻‍♀️小妹今年中三，細個開始就已經想讀醫，大個做醫生護士。由小三開始接觸kpop，亦係由嗰陣開始鐘意唱歌跳舞，每次睇著啲女團跳舞就覺得佢哋好勁，唔知係咪睇太多，成日都諗住好想好似佢哋咁，不知不覺做女團已經成為咗我嘅夢想。 而家升咗中學，學業壓力越嚟越大，對於我嚟講kpop/追星就係其中一個可以令我放鬆嘅方法，有時候會覺得自己好痴線，儲落嘅錢都用嚟買曬啲專輯同周邊，見到佢哋開心我就開心，但係每當我UT/考試溫書嗰陣都會不自覺開ig睇佢哋嘅post，或者追返佢哋啲直播追到唔記得時間。 我由細到大都好鐘意Bio，呢排溫書嘅時候望著本書，好似已經失去咗嗰種動力，諗過放棄唔讀醫。我本身有join學校choir，越唱越嚟越發覺自己冇咗對於唱歌嘅熱誠，同之前好唔同，覺得唱歌好煩，甚至想quit choir，好彩有同老師傾過，先打消咗呢個念頭。 有段時間成日發埋啲明星夢，而且有衝動想去韓國做練習生，就算知道會好辛苦、付出好多，但係都唔care，成日幻想自己喺女團出道之後係點，會唔會好多fans？定係根本唔夠實力出道，白白浪費時間？不過我算係幾肥，完全唔夠level。當我覺得好煩嘅時候，會用音樂去沉浸自己，唔理身邊發生緊咩事，只係想收埋自己。聽歌嗰陣有可能係因為自己慢慢沉澱落嚟，有時心情會變得好差，連屋企人問我少少嘢或者叫我做啲嘢嘅時候都會好唔耐煩黑曬臉咁hea佢哋。我呢刻先知道，無論唱歌定跳舞，音樂始終都係我最鐘意嘅嘢。 我阿爸阿媽都覺得做醫生先搵錢搵得多錢，韓國女團出道只係個笑話，根本賺得唔多。究竟我應該聽佢哋講老老實實咁讀好啲書，搵條好嘅出路？定係追隨自己嘅興趣夢想，做自己鐘意嘅事？真係唔知點做，無論你係鬧醒我又好，支持我又好，都好希望各位可以俾俾意見，我真係好迷惘…Thanks admit🙇🏻‍♀️ （Sor for 1999）