—類投稿

#NSS愛情 [GUEST] 小弟14歲，有打扮，畀人話靚仔所以好多人認為我係花花公子，成日溝女。但係其實我唔花心囉，反而一直單戀一個女仔幾年。 首先講下個女仔（sorry猛咁讚佢）。佢成績好好，社交力max，性格好自由，串人唔用粗口超勁，睇落去好優雅，但係其實好癲，好L型，有時行為好可愛，真係好L鍾意佢。 小學嘅時候我哋一齊坐咗一個學期。開頭覺得佢好文清優雅，好靜個款，相處後發現佢好cool，自己視線成日都喺佢到，好在意佢。開頭我以為我冇幾耐之後就唔會鍾意佢，點之越嚟越鐘意。 小學嗰陣時我哋好frd，有共同興趣，好啱傾，性格好夾。上到中學之後，我讀男女校，佢讀女校，少咗聯絡，冇乜點見過面，但係其實我好想好想同佢一齊去玩，不過唔夠膽問。 跟住近排我個frd（男）約咗小學啲frd去玩，我知道咗佢會嚟之後勁緊張，好耐冇同佢喺現實講過野。我超俾心機去打扮，跟住我哋集合去玩嗰時見到佢，超級緊張，個心卜卜咁跳，覺得佢好L型好L靚女，但係知道自己冇膽表白，猛咁叫自己冷靜，唔好再鐘意佢。 玩嗰陣我全程望住佢，一路小鹿亂撞，隻手揩到佢少少就面紅，心念pk啦冇得救啦，我直係好L鐘意佢。 我單戀咗佢好耐，應唔應該同佢表白？但係我驚frd都仲唔成，所以唯有單戀。 有冇高人指點下小弟？ sorry for 1999

#NSS學校 [GUEST] 其實可唔可以唔好放閃呢？雖然我暫時唔想拍拖住不過我都唔想食狗糧 話說我嗰班有個女仔鍾意咗個男仔，大家都同班嘅，我同個女仔舊年已經同班，而個男仔就係新同學 個女仔好明顯鍾意個男仔，之前學校旅行日，個女仔買咗個飾物，之後又嫌樣衰送咗俾個男仔，其實正常來講，一個女仔有啲嘢唔想要，應該都係塞俾佢啲閨蜜啦，或者放入垃圾桶，點會無啦啦俾個男仔呀，梗係有啲嘢啦 至於個男仔，佢冇拒絕個女仔，即係禮物都有收咁，我唔肯定佢鍾唔鍾意個女仔，不過至少唔抗拒 其實我唔在意個男仔係唔係鍾意個女仔，反正我又唔係鍾意個女仔，同佢兩個又唔係好熟，呢啲嘢使乜理，不過個女仔日日纏住個男仔，成日試圖放閃，煩唔煩啊 我頂唔順嘅只係個女仔，因為個男仔從來冇主動做出放閃行為，只係個女仔係咁纏住佢 我想講嘅係，唔好成日喺story話咩「某人唔睬我」「某人好靚仔」「某人打波好勁」等等，真係全世界好唔舒服 喺中學，步入青春期，鍾意人係正常嘅，我亦睇得出班入面有啲人有鍾意嘅對象，但係佢哋唔會係咁放閃，攞關注囉，只係暗戀，就算表白，都唔會咁高調

#NSS個人 [GUEST] Hi~ 小妹而家14歲 有一個問題纏住咗我好耐🥲 是咁的 由前幾年開始，我每一日沖完涼之後塊面都會好乾(個鼻同額頭甩皮+ 塊面敏感🥲😐) 自問我每日都至少有飲5-6杯水, 臨瞓前都有搽保濕精華。我沖涼之前塊面仲係油油地 但係一沖完涼就乾到阿媽都唔認得😑 有冇人可以救救小妹😥 thankss 😢🙇🏻‍♀️ 第一次投稿 sor for 1999 admin please post ig thanks🙇🏻‍♀️

#NSS學校 [Guest] 小弟今年form 5，同一個叫A 嘅朋友好似越嚟越疏遠。我由小一開始已經識A，做咗11年朋友都咁friend真係好難得。不嬲A對人同事都好nice，成績又好好，可以話係一個中學嘅模範生。不過自從升咗高form之後，A揀咗 phy chem bio m2，個人就成日處於精神崩緊狀態，好似成日壓力爆煲咁，每日返學就淨係係咁做M2題目，更加唔想同人social ，放學一打鐘即刻走人，想同佢吹兩句水都唔得。 有一次我忍唔住行過去問A：「喂做咩咁大壓力呀，不如一齊落去canteen食啲嘢呀」然後佢就突然之間對住我同B（另一個朋友）發脾氣：「你知唔知我幾大壓力呀，又要讀書又要兼顧屋企嗰啲麻煩嘢，邊有時間同你班*頭落去食嘢啊！」我同B呆咗，唔知點俾反應，最後我哋自己兩個落去食嘢。 我而家真係唔知可以點樣幫A分擔壓力，更加唔夠膽問佢屋企有咩事，不過再咁樣唔理佢，我真係好驚會冇咗呢個朋友，我到底可以點樣先可以幫到佢?? 第一次投稿，🙇🏻‍♂️🙇🏻‍♂️Sorry for 1999🙇🏻‍♂️🙇🏻‍♂️ 希望admin可以 po ig ，辛苦晒🙆🏻‍♂️

#NSS個人 [港島區某中學] 感謝admin出post 是咁的 小弟有班死黨 由f1識到而家f4 雖然而家唔同班 但係日日放學都會等埋一齊返 問題就係喺呢度 我哋7個人 咁放學會一邊傾偈一邊行返去 但係佢哋偏偏好鍾意一字排開咁慢慢行 咁香港啲路又唔係特別闊 人口密度又高 明顯地會阻住前面&後面嘅人 小弟都唔係冇提過佢哋 但係佢哋又唔聽 結果得小弟一個行喺佢哋後面 6個人依然阻住條路 就算對面有執紙皮婆婆推住架車仔行過嚟 都唔分開 癡埋一齊 就算得我一個道歉都冇用 真係好對唔住啲行人 除此以外

#NSS學校 [［某大學］] 小弟year one，過左個sem都冇朋友，係咪正常。仲要係三大，收左好似好開心，依家又唔係真係咁開心。 IG plz thanks

#NSS其他 [陶大宇中學] 來吧 倒轉地球 全部摯友密謀

#NSS學校 [匿名] 求admin post IG🙏🏻 長文慎入 是咁的，小妹今年中學生活真係多姿多彩（講明先，件事好主觀） 首先暑假開始嗰陣無啦啦一對「friend」絕咗交，小妹先用A同B稱呼佢地 A知道佢另一個friend鍾意某個男仔，但係B同嗰個男仔好「親密」，於是A就認為B喺度勾引嗰個男仔所以unfriend咗（小妹成頭問號） 然後呢件事發酵，A搞左個「軍隊」圍攻B，其中佢同埋group入邊嘅一個活躍分子，不停喺IG story diu人，之後陸陸續續有其他人加入A個軍隊，一齊開Group diu B，本來小妹係對呢件事無感，但係後來A扯小妹最好嗰幾個friend落水，佢地係完全同呢件事冇關係，我班friend表示好無奈 嗰個diu B嘅group將B啲相整到好似人地追債淋紅油咁 小妹其中一個friend C因為同軍隊某啲人同班所以俾人拉入去，但係佢都係唔想參與呢啲事，之後成日搵我同另一位阿D訴苦，過左無幾耐D居然都俾軍團開始引誘佢加入，之後D暗示話佢唔想參與入件事情於是軍隊冇再糾纏，阿C都決定攤開講退出左個group，之後件事就好似消失左咁 但係，事情總沒有想像中噉美好 佢哋整死左B之後 依家又唔知點解轉左目標（下稱E） 然後A嗰班軍隊又重複啲小學雞嘢 之後E個朋友F覺得D搶走佢個frd，於是睇佢唔順眼走去同其他人講（但係其實本身D都唔係好鍾意E,根本冇可能同佢friend到） 然後D同A有一個common friend（下稱G）

#NSS學校 [Guest] 小妹今年F4,前幾日放學嗰陣同一個同班嘅男同學對視左，有一種好奇怪嘅感覺，個心好似好大力咁跳左一下心跳加速，宜家見到佢會好緊張，好在意佢，但係我哋平時冇講過🤔

#NSS學校 [一間band1嘅中學] 小妹今年f1 升到中學差唔多過咗三個月,覺得同啲同學好唔合群,班上面大部份九成都係講普通話,寫簡體字嘅同學仔(唔係歧視,but唔係幾鍾意)而且同我一樣嘅同學唔算好多🥲小妹我係嗰種好驚俾人排擠嘅人,所以成日迎合佢哋講嗰啲大陸野😔但係過咗三個月就覺得我社交好鬼死難同埋好辛苦😫佢哋真係好無厘頭,好撚煩😞就好唔想同佢地做朋友,想自己一個人……有冇人可以俾我傾訴,真係好辛苦…😭 係應該做返自己呀定係繼續… Sor for 1999