—類投稿

#NSS學校 [屯門區某中學] 前提文字有啲多，請見諒🙇 唔知道大家有無試過由原本兩個人啲友誼變成四個人啲友誼呢？ 先講一講人物設定： 我同A係由小學認識，之後仲入埋同一間中學 B就同A在中一同班認識，之後再跟我認識 C同我中一同班認識後，先後同A和B認識 A、B、C三個都係比較豪爽同外向啲類型，即係個啲唔鐘意邊個，就私底下鬧佢或直接翻面，有時講五句野就有一句粗口啲類型 我就係個種偏向內向的類型，哪怕人哋鬧我、針對我，我都係個種大事化小，小事化無的人，亦都唔鐘意講太過難聽啲粗口，再嬲都淨係識講「幹」就無啦啲人（以上絕無美化，現實我真係咁樣） 回到故事： 我同A中一唔同班，但都有保持聯繫，之後中二佢介紹B俾我識，不過我同B中一二都唔同班，導致到要大家一齊約出去才能多認識，但我想講真係超尷尬，因為唔認識導致到我同B啲溝通橋樑主要係A身上，但係A同B中一同班，導致我根本聽唔明佢哋講啲中一同學同老師係邊個，所以每次出去基本上我整係可以企埋一邊聽佢哋講，有時扮下笑，有好幾次佢哋都發現到依個情況，直接同我講「你不好咁啦！唔講野，攪到我哋兩個好似不埋你咁！」，但我都唔想，你哋明知我唔識你哋班中一同學同老師，都仲要淨係傾佢哋，我有咩辦法喎，無理由我同A一直傾小學啲野，令B尷尬架嘛，我寧願自己唔講野，都唔想氣氛尷尬囉，唯有每次用一堆藉口解釋點解我無講野。 之後我同A+B再出街，我發現佢哋都鐘意女團，但我又完全唔追星，所以又係得佢哋講無我講，跟住我覺得可能學校我真係無辦法去了解佢哋中一啲事，但外界啲我可以上網查，所以我為咗加深對女團的理解，同佢哋製造話題，就上網不斷搵資料，雖話我哋真係多咗話題，但我無理由為咗佢哋，日日犧牲瞓覺時間去搵資料，之後我哋啲話題又再次減少。 之後中二我同A+C同一班，B喺另一班，我因為同C中一就識，就介紹C俾A識，跟住我哋都相處得幾好，得閒就三個去另一班揾B，之後發現她們都有同樣啲愛好，後來每逢同佢哋企埋一齊傾計，我就愈感受到一種被孤立啲感覺。 中三事情發展更嚴重，我唔知係特登定點，每次大家喺群組傾計時，我啲訊息開始直接被佢哋無視，有一次佢哋其中一個仲直接喺群入面send咗句「三角形係世界上最堅固的形狀」，我直接心情down到一個點，每次望住佢哋傾得咁開心，我都諗過係咪只要我似佢哋多啲，就可以同佢哋傾得咁開心，甚至覺得其實自己係咪多餘啲。 之後有次一齊出去食lunch時，C開始吐嘈一個班上啲同學，但由於佢哋講個位係我啲朋友，所以我就真係一時無忍住，笑笑口講話「佢本來就係咁樣，無辦法啦！」，之後C見我咁講直接話「你做咩啫？！我又無話我憎佢！」，我當時直接驚到爆不停話「無無無，我唔係咁啲意思！」，之後見氣氛開始尷尬，我唯有轉移話題，但傾傾下，C突然用一種唔耐煩的語氣叫我全名「XXX，我真係唔鐘意你……」，好彩當時佢講得唔大聲，我直接提高幾個聲調轉移視線，問今日有咩功課之類，講真我完全唔介意有人話我、鬧我，但睇場合嚟講，你當住大家講，係想氣氛尷到社會性死亡？ 總之依家就淨係得A有時同我傾計，其他時候佢哋都好似有結界咁，依啲情況大多只有兩個選擇，一係講出嚟，大家翻面無frd做，一係唔講，一直忍住，無論點，我都係食選擇後者，如果忍住為大家都好的話，我唔介意忍住，今日出依篇post純粹想講出嚟舒服啲，最後為四人組合啲frd辯護返，並唔係每個四人組合啲frd都係咁，樓主都仲有一個相處得好開心啲四人組，有機會樓主會再send多個另一個四人組的相處，希望各位都可以識到真正令你開心啲frd！ Sorry for 1999🙇

#NSS個人 [沙田某中學] 以下呢篇嘢幾長下，同埋非常1999，睇到就睇啦 小妹Form 4，我哋學校係form 1至form 3班，form 4至form 6一班。今年我識咗個新朋友下稱G(女)，佢係我班唯一嘅朋友，我一直都好信任佢，直至佢近排日日都同我講呢件事…… ***************以下嘅嘢都係佢講嘅*************** 佢就話係佢事源係G同班女仔係form2誤會咗班男仔，班男仔又誤會咗佢，本身佢淨係誤會咗兩個，但係就傳到有十幾個男仔憎佢，日日睥住佢。 平時G就一定係要搭巴士放學，之後憎佢嘅人入面有五個男仔搭同一班巴士，之後佢哋就全部圍住G坐，兼且又係睥住佢，呢件事持續咗一年半。 有一次佢同我講笑嘅時候，對住前面笑，之後個男仔就覺得係G係笑緊佢。 我哋班就有2個男仔係憎佢嘅人，今年就加咗2個，分別叫做D同T。 D就坐佢後面，有時課室分組做project嘅時候D係同G一組，但D就淨係同隔離組嘅人講嘢，之後G叫佢一齊做嘅時候，就狠狠咁睥住佢。 有一次佢落樓梯嘅時候，就聽到D同埋T喺度講佢壞話，當時樓梯淨係得佢哋三個，所以就好尷尬。 *****************以下就係我知嘅嘢***************** 咁我小息有時都會同佢一齊出班房傾計，之後又真係見到啲男仔會啤住我哋，咁G就話驚啲男仔遲早都會咁樣憎我，但係又成日都拉埋我一齊。 我問佢係當初件事嘅詳情係點，佢又做過啲乜嘢，佢淨係話「唔好講啦會得罪人㗎」，咁我就覺得佢當初做為嗰件錯事，應該都好大鑊下。 佢話睥住佢嘅男仔D同T form1-3 都係同我同班，D係上年係一個好乖好乖嘅男仔，即係有聽話，又唔會係搞小圈子嗰啲，所以真係有啲懷疑D。之後T雖然係好串，同埋有少少性別歧視，但係佢唔似會蝦人嗰啲(?) 同埋嗰12個男仔佢淨係講咗6個男仔嘅名，有三個係特別惡嘅，但其他我都唔知道佢哋係邊個，佢亦都話佢唔知佢哋個名。 ****************************************************** 坦白講呢件事我覺得應該係係半真半假，但係佢又講到好真咁樣，同埋我見佢平時個樣咁乖，又係嗰啲好學生，我又唔知信唔信佢好，但唔信佢嘅話，我又唔知信邊個好……

#NSS愛情 [guest] 鐘意左個女仔一排(對方唔知），雙方ig都係密友，點知因為上堂有人講左d關於男女朋友之間ge野，令我知道左佢有一個男朋友，但好似未確認關係 自己好混亂，應該點算好？繼續定放棄？

#NSS學校 [Nthykyldss] 同大家講件吊詭嘅事 是咁的 上個禮拜我哋轉左全日 我地學校會鎖電話 Lunchtime 都無得拎翻 而我地學校細 學生係要出去食飯嘅 咁結果依家就造成一個問題 學校附近部分餐廳變左C 級（一定要掃碼先入到） 咁我地就變左一定要外賣（因為無手機掃碼） 咁我地唔鍾意外賣咁就唯有去另外一間餐廳 （其實見到C區餐廳一次過走左10個學生客幾開心） 但正苦開始話要政府大樓必須用安心 咁係唔係我地食飯時間連圖書館都無得去 （學校附近有圖書館 疫情前我食完飯經常去） 當正苦用科技執行高壓政策 有人卻堅持用高壓政策拒絕科技 沒有誰對誰錯 要講 兩個都錯

#NSS學校 [CHECSS] 小弟係一名form.6學生，喺呢間中學就讀咗近六年。Form.3嗰年，中文科科主任接手咗我哋班嘅教學，以教中文爲主。由嗰一年開始，無論係當時嘅同班同學或者科長，都成日唉聲嘆氣，話個科主任好麻煩、好難頂。當然——我都唔例外，更何況我係鍾意駁嘴嘅學生，難免會被佢針對。 因爲學校實行嘅制度係加/扣分制，所以品行分同勤學分對於學生而言，重要性係僅次於成績。記得form.4嗰年，我嘅座位被分配到一個成日上堂瞓覺嘅同學嘅隔離。某日，科主任一入班房，就直接喺全班面前講：「林XX同學因爲上堂經常瞓覺，嚴重滋擾課堂秩序，我會扣佢品行分3分。」喺邏輯上，林同學瞓覺嘅行爲並無發出聲響，甚至連我坐喺佢旁邊都冇聽到佢嘅鼻鼾聲，而瞓覺純屬係佢拒絕參與課堂，何來滋擾？之後，我同佢解釋咗嗰次扣分嘅唔合理之處，佢又公開要求我出去同佢擦黑板，真係當自己係皇帝？抹殺反對聲音、要求絕對忠誠，這樣真係師表所爲？最後，喺我堅持拒絕嘅情況下，佢唯有自己擦。 嗰次之後，科主任私聊咗我。佢先send咗一張相畀我，係我份小測卷。正當我感到疑惑，佢先話我知，話我嘅小測卷仲未完成改正，減慢咗佢嘅批改進度，麻煩我要改善。下？我心諗，學校畀人工你，你就預咗要做呢啲㗎啦，依家走嚟無理取鬧係咩事？雖然明眼人都知，佢係報復緊我上次嘅反抗行爲。 嗰一年，係學校第一年聘請T.A.(教學助理)。有一日，我見到科主任對住個T.A.破口大鬧。放飯嗰陣，我走去問個T.A.咩事，總結返就係科主任冇給予清楚指令，後嚟連學生都唔清楚自己要做咩，科主任就一味閙個T.A.，話佢唔識做野。到考試前，因爲一啲特別安排，科主任要T.A.親手將每一封電郵寄畀form.2-form.4嘅學生(約300人)。喺send之前，科主任已經將畀每一級嘅電郵内容寫好咗，T.A.只需要寄出。點知，後嚟科主任發現寄俾form.4嘅電郵内容有問題，更改之後要T.A.將所有寄畀form.4嘅電郵再send多次(約一百人)，而唔係直接發放公開嘅更正消息畀form.4學生。老老實實，其他科嘅T.A.都唔會畀其他老師咁樣對待。之後我都有繼續同個T.A.聯絡，佢話科主任之前同低form上堂有提起過我，話我品格好差，上下上下堂又會無端端數校長啲衰嘢同埋將過往師兄啲嘢爆曬出嚟，最極端係之前有師兄因爲科主任隔硬屈佢小測出貓，爭啲攞張凳車落佢度。 疫情開始之後冇幾耐，學校就開始咗Zoom授課。Zoom授課嘅一大特點，就係所有學生都可以將老師講嘅野聽得一清二楚。我有一位同學，姓黃，因爲長期欠交功課，基本上科主任每次追功課嗰陣，都會對黃同學羞辱一番。「你係唔係唔想讀書啊？知唔知醜啊你？你唔要浪費全班同學嘅時間好唔好啊？我從嚟都冇見過好似你咁懶嘅學生囉！唔好同其他人講話你係我嘅學生。」加上佢嗰種特登、做作嘅語氣，連我都感到難堪。我唔贊成唔做功課嘅行爲，但係咁難聽嘅說話，真係有必要當中講出嚟咩？唔做功課就應該任人侮辱？其他老師都係輕輕帶過，唯獨佢會咬緊唔放，一定要羞辱一番先安樂。 近期，即係2021-2022學年初，科主任嘅身邊莫名多咗一堆忠誠嘅學生助手，簡稱舔狗。佢哋嘅主要作用係凸顯科主任嘅地位同淫威，仲有聽命行事。我嘅一位何姓同學因爲本身品性純良，唔識得反抗，所以成日畀科主任欺凌。點樣欺凌法？以欠交功課爲由，同所有人講：「所有同學，你哋嘅作文功課可以一星期之後先交，但係何同學唔得，因爲佢欠交功課！」可笑嘅同時，令我感到難以置信嘅係，其實何同學並唔係全班唯一欠交功課嘅學生。嗰一節中文堂完咗之後，何同學冇講過一句說話。直至佢嚟我屋企食lunch，先忍唔住喊咗。可想而知，科主任嘅行為都幾過分。 直到上禮拜五嘅最後兩堂中文堂，科主任用咗55分鐘嚟閙人，而理由係「課外活動會影響學業成績」。内容撮要：「科主任首先閙咗全班一次，之後突然捉人問有冇參加課外活動。咁我舉咗手話參加咗歌唱比賽，佢就話歌唱比賽會浪費許多時間、對我成績冇好處、要我暫時放低興趣……但係我基本上都反駁到。之後佢又逼我將參加咗課外活動嘅人名畀佢，又話我因爲唔識某篇典故，所以中文成績差」總之就係毫無理據咁發洩。處理完我，就再閙返全班，兩堂中文堂剩低5分鐘先臨時派工作紙。到嗰日夜晚，佢仲好意思喺whatsapp群組send啲四字成語，教我哋要「修心養性」、「心無旁騖」，搞到好似係我哋得罪佢在先。咁我咁我攞返中文堂佢鬧我嘅嘢出嚟自嘲，佢又好肯定咁話我會到HD或者Found Dip，之後仲莫名其妙咁話我品格差。。。我真係忍唔住，直接閙返佢轉頭。（如圖） 真心，點解學校有咁多好老師，死都要揾個獨裁者做中文科科主任。。。完 申報： 之前喺 ” 名校secret @secrets.of.schools “ 投過稿，但未confirm刊登 圖Link: https://imgur.com/a/k8pzpbK

#NSS愛情 [Wxx] Nss admin plz post thanks🥲 小妹今年中四 本身一直都覺得自己一係bi一係Les ga la 咁我都接受咗自己冇話要咩改變 但係問題係近排好似鍾意咗一個同班同學N la 成日攬住佢佢都冇點講，望住N就算咩煩惱都可以冇晒 佢好靚 好可愛 體育方面又勁 整體來講就乜都好好 我認我係一個容易呷醋嘅人 N同所有嘅異性同同性相處我都望到實一實 總之就係好想佔有佢 但係之前俾我朋友當住N面講話我鍾意佢 我見到佢即刻退後左好似想遠離我咁 但係當然佢覺得係講笑la

#NSS家庭 [CDIS] Hi, I don’t know if that’s okay for me to share my story here as I am from an international school. I am

#NSS個人 [GUEST] 麻煩admin post ig 唔該 小女今年中三,唔知點解由小學開始瞓幾耐都瞓唔飽。我都試過同阿媽講,但佢只係人覺得我太夜瞓,叫我早啲瞓。我有試過早瞓,但都係瞓唔飽。我驚我自己身體有問題先導致咁。有冇人可以俾啲意見我呀？(Sorry for 1999)

#NSS愛情 [GUEST] 是咁的 小妹鍾意左一個冇乜機會得到嘅人 唔算長文 不過希望大家睇埋落去 就係今年3月 我返學嗰陣持續見到一個師兄 當時覺得佢幾靚仔 不過嗰時只係當普通師兄咁睇 見到佢都會偷影吓咁 持續去到今年9月 我就慢慢咁留意佢 漸漸發現自己對佢有好感 不過我係完全同佢0交流 之後我就博曬命問啲frd拎唔拎到佢WhatsApp 估唔到過咗幾日就搵到lu 不過我就一直唔敢搵佢 終於係前幾個禮拜 我send左個emoji 比佢 之後就話我同你同校嘅 不過可以見到佢係真係好敷衍 過咗幾日 我就同佢講左件趣事

#NSS社會 [我覺得TVB 幾好睇] 一直都鐘意睇TVB 起碼愛回家都ok 反而覺得Viu 冇咁好睇 睇過大叔的愛真係覺得麻麻地😅 (以上僅個人觀點,純粹想表達自己感受🙏🏻)