#NSS學校 [Guest] 我好似俾人杯葛 Admin pls post ig thx 話說我轉咗校就識咗幾個新朋友，入面就有個人性格好奇怪，於是我就開始避開佢。 不過都依然有同佢交流只係 冇話特別close， 但係近日我就聽到佢周圍散播謠言話我憎佢，而我其他啲friend就好似因為咁而遠離我。我忍受唔到所以我就問佢係咪同佢哋講咗啲嘢搞到佢哋依家杯葛我，佢就反問我話乜唔係你bully我先咩。我想講我只係因為覺得我同佢性格唔啱所以先同佢冇咁close，但係我都冇叫所有人都唔好同佢玩， 不過佢就唔知同人哋講咗啲咩搞到而家所有人都唔再同我玩。 佢而家搞到我懷疑自己係咪冇選擇朋友嘅權利… 希望大家比啲意見 Sorry for 1999
#NSS家庭 [scc] Admin po ig pls thx 是咁的，我屋企係單親家庭，同阿媽生活。 但係呢幾年突然發現，我同阿媽關係好係越嚟越怪。有時佢話要買嘢比我，我就算想要都會下意識拒絕佢，真係買左返嚟我都唔會收。更何況問佢「可唔可以買呢個？」或者「我想要乜乜乜」……升中一嗰年，阿媽第一次比零用錢我，比咗五百。話我大個女，可以有零用錢去買下嘢……我心入面唔想收，但阿媽係都要塞比我。我收咗之後突然勁愧疚，喊咗成晚，結果冇用過。 每次見到同學可以好自然咁同屋企人講「我想飲嘢飲」，「可唔可以出去玩」我都好羨慕，因為我都唔敢咁講。我覺得我阿媽算好溫柔，體罰次數都屈指可數．更唔計較我成績。但我覺得我欠咗佢，唔係我佢都唔會忍我阿爸咁耐。 想問其實有冇人同我一樣？或者都係單親家庭長大？我可以點樣同阿媽相處自然少少？(佢唔惡，我無被家暴，係我問題) 對唔住有啲1999…… Thx admin
#NSS學業 [guest] 有無人都好驚考paper4😭無論中文定英文都係 我係2023dser 學校前排開始幫我地練中文同英文oral 但每一次練都好緊張 有少少羨慕2021唔使考oral既dser….中文既話有時個腦係緊張到完全揀唔到立場 判斷唔到邊個容易講啲 有時揀立場就已經用左分幾兩分鐘 仲會諗唔到point 就算諗到講左出黎 俾人反駁個陣都唔知點回應返 英文仲衰 自己writing啊oral呢啲需要好多grammar或者sentence pattern既底子好差 vocab都唔係識好多 就算有point都唔識表達出黎 如果同唔識既人考都好啲 可能可以放膽啲 始終考完就走無人會記得我 但係學校對住全班做呢啲grp discussion 講得好差就會覺得自己好柒 然後就更加驚+緊張 有無過來人可以係下面講下啲攻略
#NSS個人 [Guest] 想同所有有抑鬱症既人講: 我知抑鬱症既人好辛苦,因為我都有過 覺得自己好廢,係呢個世界生存冇意義,冇人愛自己 呢種諗法成日存在,想令自己諗正面D,但係點做都做唔到,有人同你講,叫你收皮,成日放負,喺度搏關注 你越嚟越覺得自己廢、犯眾憎,萌生自殺既念頭,望住樓梯或者高處會想跳落去,望住手腕會想界落去 甚至你向屋企人表明心情,佢哋只係:“你有D咩壓力?有屋你住,有飯你食,我返工仲攰啦!”屋企人既唔理解往往係壓垮駱駝既最後一根稻草 所以我企左係天台,坐左上欄杆,諗:我存在有意義咩?好似一D都冇,優點?都冇,缺點?如數家珍,但係我個妹係我諗住跳嗰陣call左我,好普通一句:你幾時返屋企? 我即刻喊左出嚟,喊到狗咁,明明身邊就有個愛自己既人,我究竟做緊咩 用左成個月摒除自殺既念頭,而家成個人好返好多(當然有keep住見醫生同社工),不過正面既諗法真係好難(我個人係追星行返出嚟),但係喺你放負嗰陣覆你既人都係愛你或者關心你既 唔好覺得自己冇未來,你而家過既每一分每一秒都係未來,更何況你唔試下又點知未來一定唔好呢? 喺想獲得愛既時候,要學識愛自己先,你唔係廢,唔係冇用,只係未見到自己既閃光點,起碼你誕生係世界既嗰一刻父母係愛你既 我知好老生常談,但係都多謝你睇完,未來既問題需要現在既自己努力,加油💪
#NSS愛情 [[小弟中5]] 小弟今年中5,呢件事發生係1個 月前,我由細識到大的朋友(女)(叫佢做 b)突然同我表白🙄。 我同b讀一樣小學,唔同嘅中學。但係都唔 影響我地嘅友誼,我原本就同b約定入同一 間大學一齊挽一齊讀書,但係我下面要講 嘅嘢最後就破壞左我地嘅友誼。 話說b有一日約我出嚟補食生日飯,食完飯 之後b就話想去買鞋買衫,係買衫果時佢無 啦啦話要送衫比我(果時Feel到有啲唔對 路,但平時好少會同人買衫,更何況送衫 比我🥸),買完衫因為我地都住喺附近, 所以就一齊去搭車返去。 就係搭車果時,佢突然同我講話有一件事 想同我講好耐,佢話佢好似鐘意左我(心 諗WTF),之後我就同佢講佢諗多左,佢 再講話佢係認真嘅,之後就除左個口罩想 嘴我(果時勁驚),好彩我超級眼明手快 咁推開左佢(差啲同左條女嘴😶 驚死), 之後佢同我講話佢為咗我同人分手叫我接 受佢(果時聽到勁迷,心諗咩事🙄 ),我
#NSS其他 [Guest] 小弟14歲，讀緊中三，喺一個基督教家庭長大，阿爸阿媽幼稚園已經帶我返教會，老實講我從來都冇信過，細個嗰陣以為係故事，咁咪一路聽囉，到小四就開始知道教會啲人唔係講故事，而係真係信故事入邊嘅嘢，咁雖然我唔信，但係小學嗰陣功課簡單，測驗考試又簡單，星期日朝早去教會識下朋友，都唔係啲咩壞事吖，嗰度真心識到好多朋友，到而家都好frd, 不過上到中學，學校好多功課同小測，考試測驗範圍又多，平時真係好忙，我諗星期日朝早如果唔去教會嘅話，我會讀得輕鬆好多，咁我阿媽不嬲都會聽我意見，合理嘅話都會肯就我，於是我就同佢講我好忙，唔得閒去教會，不過佢一直都唔肯，又話咩去教會係學做人，大佬而家讀書緊要定返教會重要呀，到時你個仔DSE考衰咗，自暴自棄做廢青，仲話做人？好啦，一次講唔掂就講多幾次，我前前後後應該都同阿媽講咗10幾次，但係佢次次都唔肯，我而家真係好忙，每個禮拜浪費一個朝早，計計埋埋就會浪費咗好多時間，我想問可以點樣說服阿媽，比我唔去教會？ 阿爸唔見咗係因為佢永遠都唔會聽我意見，講一句就駁三句，講嚟嘥氣 Admin plz post IG Thx admin
#NSS個人 [Guest] 其實可唔可以唔好再避。 我估唔到自己都會有投稿嘅一日， 講返背景先，小弟同友人已經識咗五年， 事源係我幾個月前忍唔住同佢表白咗， 咁最後就當然失敗咗， 而我地都同意淨係keep住做朋友， 好啦咁你話做返朋友就當然係要揾位破冰， 而家足足七個月喇，你一直都喺度避開我， 我明示暗示主動被動乜都試哂， 然而你始終都唔肯去面對， 好老實講我都知做返朋友係冇乜可能， 但係你講得出口之後又愛理不理， 我直接講話以後大家各行各路算數， 你先至話想去解決問題， 之後我再傾落去又再逃避， 我DLLM你究竟想點樣， 日日睇住你同人一齊有講有笑真係好辛苦， 喊過痛過心死過，做人直接少少真係咁難咩， 我都唔知可以點樣行落去， 無論係進係退都兩頭唔到岸， 而你又永遠都唔肯認真去面對 個個都叫我忘記會冇咁辛苦， 但係又有邊個係真係咁易去忘記，