#NSS其他 [guest] 想問問大家意見⋯⋯ 小妹有一個好friend嘅男性朋友，下稱S。之前有俾佢表白過，但都有好明確咁拒絕。之後我自己都有拍拖，亦有刻意同異性朋友保持距離。 然而，問題嚟啦。S不停約我出街，咁我都以無時間為藉口推佢啦，但係佢就成日喺我出街po咗story無耐之後就去咗嗰個地方，甚至喺我同男朋友出緊街嘅時候都會突然出現。 我本身係有驚恐症同埋抑鬱症嘅，一直都有睇開醫生食開藥。的確S喺我喺非常低潮嘅時候幫咗我好多，但最近佢越嚟越奇怪，開始問我「你有無當我係屋企人」、「我死咗之後你會點」。每次叫佢唔好再成日send message俾我或者同佢講佢嘅行為令我唔舒服，佢就send 佢自殘嘅相俾我⋯⋯ 我唔知點算好，希望大家可唔可以俾啲意見我🙇🏻♀️🙇🏻♀️
#NSS個人 [Guest] 我嘅社交能力都幾差，朋友得幾個，我知道有幾個算傾到計嘅朋友都算好。但係呢排佢哋好似同另外幾個frd有其他grp，所以好耐都冇傾過計，次次都要我主動，有時都不回，其實我都好努力融入佢哋嘅圈子。有時有啲嘢都唔知同邊個講好。但係我得佢哋幾個，我好想繼續同佢哋維持關係。 我成日都係到諗呢件事，真係好唔開心，好辛苦。睇到人哋成班frd咁一齊玩，好羨慕。覺得自己好邊緣，好無用。想識多啲朋友，只係想有人陪我傾下計，但唔知有咩方法。 我都明一個人都可以好開心，或者有幾個朋友都算好好，但係我真係控制唔到自己唔去諗呢件事。 Sorry for 1999，可能表達能力比較差
#NSS學校 [Guest] 小妹今年升中四，之前同咗兩個好朋友絕交，因為我份人比較被動，所以好難識朋友。就嚟開學啦，我對於返學其實有啲恐懼，因為上年發生咗好多好唔愉快嘅事，各位，我有咩方法可以同啲人嘅關係長長久久？以前，我係一個好主動嘅人，但係啲人又嫌我煩。到我變得靜嘅時候，人哋又覺得詭異。每次同啲朋友最多可以keep到兩年關係，但係多數都冇，最多都係大半年！自從我上到中學，好似冇一段關係係過得長久，就算真係長，都唔係最fd最熟嗰啲，可能仲要係有份距離感嗰啲，其實係咪我份人嘅問題呢?我身邊嘅人全部同人哋嘅關係都可以長長久久，點解好似剩係得我一個唔得？各位有咩辦法？ 麻煩Admin幫我po上IG ,thx🙏🏻🙇🏻♀️
#NSS愛情 [Geust] 小長文，慎入 本人係一個今年f3嘅男仔，由K1識咗一個女仔同學到依家，大家到依家都視對方係最frd嘅異性朋友。 本身自己都對嗰個女仔冇咩感覺，都只不過當對方係青梅竹馬。但係喺小五小六嘅時候，我地兩個越行越埋（當時係因為大家好frd）咁當然有好多自己嘅朋友話我同個女仔係一對，但係一講就講咗四年都未停 小六嘅時候，有次佢同緊佢身邊嘅女仔同學嗎佢屋企玩，無啦啦走嚟call我上去佢到一齊。然後傾計嘅時候，佢特登講我係第一個男仔上佢屋企。 到就小學畢業之前，佢個閨密就走嚟同我講，個女同學鐘意我，我過咗幾日之後問個女同學係唔係鐘意我，佢又話唔係。 但係呢排有啲唔同，基本上我同佢日日都會同佢傾吓計。最近我同佢鐘意咗同一個明星，有次仲同佢單獨一齊出街玩。同埋佢話，佢嗰啲姨媽姑姐，基本上佢成個家族都識我，然後佢阿媽又周不時贊我。 我身邊嘅朋友有啲叫我去咗個女仔表白，但係我又好驚會尷尬，搞到之後都唔會繼續frd，求問各位我應該點做 Sorry for 1999
#NSS其他 [社會大學] 話說今日同啊姨食完飯一齊撘車返屋企，而我啊姨係嗰啲咩都講得嘅人，咁我地嗰陣喺車站傾梗結紮手術點樣做😹唔知係咪講得大聲得濟，有個男人行埋我耳邊講左句『你係咪變態架』💩唔知係咪同我講啦，但我當下呆左，我心諗下結紮手術咋喎又唔係扑嘢咁都變態？？宜家啲人接受能力咁低咩定唔通真係變態😹如果我真係講左令你唔舒服咁sorry 我無心🤗 但如果真係同我講嘅，我想講我無逼你聽喎當下環境咁嘈你做咩偷聽我地講嘢😹宜家疫情咁嚴重你做咩要行埋我耳邊講💩更何況我地講咩都唔關你事啦係咪啊🤧你話如果我係講梗性經驗你話我變態都算喇我認喇，宜家正係結紮手術咋喎接受能力咁低咩清朝岀嚟嘅？？ p.s.我地係傾梗女性生完b嘅結紮手術宜唔係男人嗰個
#NSS家庭 [Guest] 關於我老豆好冇用我好想趕佢走 小妹第一次投稿，屌細力啲thx🙇♀️ 講家庭背景先，一家四口，老豆老母我同阿妹。我老豆脾氣不嬲都好差（我甚至認為佢有精神病），又自我中心，係典型嘅大男人主義。細個就拳打腳踢，大個就語言侮辱。由細到大都忍受住佢啲爛脾氣，亦試過勸阿媽離婚，但我老豆就係寄生蟲唔肯走。但我老豆所做過嘅事真係好匪夷所思，因此想喺到呻下。 我老豆對「整潔」有一種莫名其妙嘅理解，就係間屋冇任何多餘嘢（佢連客廳個書櫃都歸類為多餘嘢），有嘅話通通沊曬佢，但好笑嘅係，佢沊嘢嘅方式係將啲嘢扔落地下等阿媽我同阿妹三個人執，佢自己就「功成身退」返佢間房瞓覺。 以前我間房係一張雙層床拍向一邊牆，兩張書檯就拍向令一邊牆（近門）。老豆就成日話我哋三母女唔識執屋，成日鬧＊人鬧扑街。係，我哋係唔識執屋，但起碼好過佢淨係企喺到鬧人啦。 最近我間房換床+裝修，所以要將房嘅雜物搬出廳，我老豆又鬧：「執乜L嘢姐，沊L曬咪得囉！」跟住係咁＊人係咁＊人。其實佢一開始就反對我哋換床，因為佢覺得公屋私樓都可以咁住，佢仲話四個膠箱+一塊木板就可以瞓，憑咩咁奢侈（老豆以前住公屋，私樓個單位係阿媽買返嚟，所以係老豆住緊阿媽間屋），但我同阿妹都希望有自己私人空間，所以都係冇理老豆自己執房搬嘢。 間房裝修前一晚，我同阿媽阿妹搬緊房淨底嘅雜物，老豆又開始鬧：「沊L曬啲嘢咪唔使咁煩囉！」喔，找佢咁講我係咪要沊曬我哋啲被我哋啲公仔我哋啲小說啊？我淨係覺得佢講嘅嘢好無厘頭。 直到咩都搞掂曬差個廳未執好老豆都係不停地鬧沊曬啲嘢去，老豆咁嘅作為一早激嬲咗阿媽，但老豆仍然認為係阿媽嘅錯，佢認為係阿媽擅自搞咁多嘢係阿媽自己攞嚟，自己就可以咩都唔使理，可以心安理得睇電視，再鬧我哋唔執嘢好愜意。 換完床因為道門唔合適所以都要換，咁啱師傅嚟換門嗰日老豆放假，佢就話唔會幫手check道門，外話佢縮沙（我知咁講唔孝順，但佢成日都係咁我頂唔到），之後老豆就話：「係啊！我縮沙啊！我幫你哋check道門啊！縮沙！」聽完我係黑人問號咗囉，佢自己話唔會幫手，轉個頭就唔知佢想點。 多謝大家睇到嚟到，sorry for 1999🙇♀️