—類投稿

#NSS愛情 [GUEST] 小妹讀女校嘅，平時都識唔到男仔，一年前參加咗一個出面嘅興趣班，有一個男仔大我一年，我雖然同佢冇乜點傾過計，但係佢平時上堂答問題令我覺得佢怕怕羞羞好得意，同埋都睇過佢除口罩嘅相都幾靚仔，所以對佢有少少好感 但係我有一日搵到佢ig，見到佢fol咗一個簡體字嘅hashtag(佢淨係fol咗一個hashtag😂，而我自己係極度唔鍾意人用殘體字，所以都唔想自己鍾意佢，但係每一個星期我見到佢又忘記咗佢用殘體呢件事，同埋唔知係唔係我自己自作多情，好似成日見到佢望住我，我又心動…但係我知道我自己同佢係冇可能，我點先可以唔再鍾意佢 sorry for 1999 diu細力啲🥲

#NSS學校 [GUEST] 是咁的 近排比一個同學bully 其實好早就開始bully我 但係近排嚴重咗好多 個同學見到我所有嘅柒事都會po上佢IG story 唔知點解 我已經block咗佢 但係依然有人講比佢聽我嘅柒事 跟住就po上story侮辱我 寸我 其實我都想唔理佢 但係我真係冇辦法唔care 直頭有啲想轉校 但係又驚轉校之後又嚟多個bully我嘅人 我可以點算？ 第一次投稿 要屌都屌細力啲thx

#NSS學校 [Guest] 小弟升F2, 呢排諗緊好唔好繼續join學校啲club 咁暑假都就嚟完，係時候準備吓返學，舊年因為疫情，好多club都冇招募，只係得3個club有宣傳，分別係女排、英劇同男乒，咁我對英劇有興趣，於是嗰陣就俾咗電話號碼個會長，成年得一次meeting，咁疫情呀嘛，都冇辦法，咁我又覺得幾好玩，如果得嘅話下年都想繼續join, 不過F2應該會忙少少 如果為學業着想，就梗係應該quit，不過我想繼續參加嘅原因除咗係因為自己有興趣之外，係因為我好享受嗰種一班人一齊努力嘅感覺，無耐之前，教電腦個阿sir叫咗我同埋另外幾個同學參加模型車比賽，雖然佢冇逼我哋參加，但係其他同學都唔肯參加，如果連我哋幾個都唔肯嘅話，真係冇人幫學校去比賽，為咗學校，我哋咪去囉，咁砌架車基本上冇乜問題，不過有一個車轆一直都唔郁，於是我哋搞咗好耐，最後終於郁，架車識郁嗰陣，我真係好開心，嗰種感覺係從來都未試過有嘅，我就係因為追求呢種感覺先想繼續參加英劇，平時睇動漫，見到嗰啲人不斷努力，去追求某樣嘢，我一直都唔明，而家終於明啦 我讀b1A學校，F1全級排名2x/13x, 喺度讀書絕對唔輕鬆，以學業為重當然係最好嘅，不過我真係好想參加英劇，我哋學校英劇最多參加到F4, 咁我究竟應該而家quit, F2開始全力讀書，定係玩埋F4, F5先準備DSE？(我F1一直hea, 考試次次都臨急抱佛腳，我覺得我真係要盡力)

#NSS個人 [guest] admin pls post ig 打唔打疫苗？點算好？ 是咁的 小妹今年中二 學校要求要有70 percent疫苗接種率。我兩個月前打左hpv針，有醫生話要等半年先可以再打covid vaccine，不過我好多同學都係未等半年就打左疫苗，我都google左話一個月之後可以打針、都乜嘢發生，最多只係手痛。我同我老母講左，佢話唔信，想叫我等半年。之前佢地都話好似2022開始只可以打科興，我真係寧願中招都唔想打科興，我老母又話科興先好，打biontech一定會有心肌炎或者面癱。不過next year要去英國讀書，都係想打biontech。佢又話如果英國唔接受你就唔好去英國讀書留返係香港。 想問下我係等之後過半年再打定係依家打？以後打就要打科興，所以我要點先可以說服我老母？ thanks

#NSS個人 [guest] 小弟14歲 唔知點解好怕出街 出到去見到差唔多年紀嘅異性就會突然好大壓力 但係喺學校又唔會出現呢種情況 請問有冇方法可以解決？

#NSS家庭 [Guest] 其實le 我就覺得自己冇錯lo 小妹今年F.4升F.5 咁功課都唔少㗎啦 入返正題 我呀爸就home office 緊 但係每日我都只係見到佢打COD（call of duty) 雖然而家暑假 但係我都有兩個課外活動ge 每日都keep住有做past paper 都好辛苦㗎啦 但係我呀爸就成日坐喺屋企點我做野 （話自己返工好辛苦好大壓力喎😟） 每次我係房做緊嘢嘅時候就會大嗌我出廳攞電視搖控（明明就係佢隔離）/攞杯水比佢喎 有一次我真係頂唔順同佢講：「我做緊功課，你自己攞啦！」 佢就特登行入我間房（仲要唔敲門）（我房門唔隔音）鬧我：「我返工好辛苦，幫我做少少野都唔得，下次你叫我買書呀 買文具呀 我唔買比你架啦。」

#NSS個人 [Guest] 小妹05，今年暑假嗰陣經常全屋企人出去食嘢，屋企人唔得閒就叫我出街獨自堂食，叫我盡量唔好外賣，因為唔環保。 但係我又唔鍾意出街獨自堂食， 覺得坐得唔係幾舒服， 因為其他食客會望住我食嘅，好似好孤獨咁😅 家人好少煮嘢食，同埋我現在都唔太識煮嘢(好多嘢仲學緊去煮，算係幾乎不會煮嘢食)， 其實我諗過當家人唔得閒嗰時自己煮嘢食，不過我有啲同學而家已經識煮好多餸，所以有啲自卑。 其實我係咪唔太應該出街獨自堂食？ 同埋我係咪太遲學煮嘢食啊？ 希望可以提供下建議啦😉

#NSS個人 [guest] 今年16歲，鍾意左一個人2年。 有時覺得自己幾仆街，因為鍾意一個人，下稱B，而憎一個識左幾年嘅「閨蜜」，下稱A。 我同B識左無幾耐，就比A睇穿左我鍾意佢。我自己都認左。B同A係識嘅，A成日post story曬佢同B嘅對話，但係佢地兩個都係因為我先識嘅，我見到A嘅story成日都會呷醋，甚至有次po story 寫話自己呷醋，A會來問我係咪因為自己令到我呷醋，之後say sorry。雖然我無明確咁同佢講答案，但係我諗佢應該估到。（我自己太容易呷醋）但係之後佢都係無停過繼續曬佢地啲對話，佢地仲會加啲心心係彼此啲訊息度，好曖昧，仲成日send長文比佢，之後又要曬出來，最近我feel到B好似鍾意A，真係好難受，所以開始討厭A，我知道自己好仆街，明明唔關A事，又要憎佢。但係睇住佢地兩個越玩越close，又成日單獨約出街，我個心真係好難受。其實我自己都認為A嘅性格有啲難頂，成日笑我死肥妹，（佢都算靚女）但係依家表面都要扮同A好friend，因為我驚其他人會話我仆街，話我八婆，A又會咁樣而唔開心，成日出埋D黑色嘅ig story,跟著又會周圍嗆衰我（我之前諗住同佢嘅友情可以越來越淡，之後成日唔覆佢ig story,少左搵佢，佢就周圍同我啲朋友講，搞到我啲朋友個個來問我點解唔理佢，話我好八婆。）我成日都自己收收埋埋，其實真係好辛苦，但係我又覺得係自己嘅問題，我真係好矛盾，自己又肥，先得155又有58kg，份人好自卑，學校啲男仔都唔鍾意我，我講出來都係純粹想發洩下。 Sorry for 1999 Admin post ig thx

#NSS個人 [GUEST] 強烈要求! 青蛙青蛙跳🐸

#NSS社會 [OVERSEAS] 其實我想問如果立法會再進行選舉，而民主派被禁止出選 你地會寧願投比邊一個背景立場嘅參選人選立法會？ A 無論民主派同建制派都唔會討好甚至乎會比兩邊陣營杯葛既參選人，雖然立場上都係黃絲，但因為佢社交處事技巧態度有問題，因此基本上好多民主派既人既都同佢結過私人恩怨，而且基本上大多數民主派D人都係會同佢反面 B.真親建制紅底參選人