#NSS愛情 [筆名：蘋果紅茶] 麻煩Admin post IG —————————————————————— 同大家講個故事 呢個係一個故事 有男主角同女主角 仲有一點配角 講到再解釋 叫佢地M(男主角)同埋W(女主角)啦 呢個故事應該喺邊到開始講呢？就從佢地認識嘅一日開始啦… 話說M同W從小學二或者三年級就做fd 基於嗰時候我地小學嘅男同學只要同女同學行埋一啲啲 都會傳緋聞(當然係小四開始呢種風氣 而之前佢地都係唔熟) 所以佢地兩個 只可以算係互相知道有呢個人存在 一直到小六 都係咁 當然佢地上左同一間中學 如果唔係故事點樣繼續… 雖然話都係一間中學 佢地兩個嘅關係只係點頭之交
#NSS家庭 [Guest] Hello, 今日我嚟講下我嘅故事，同埋想求意見。 講下背景先。我有一個細佬。爸爸長期喺大陸做野(雖然佢係黃，但做埋啲嘢好似大陸人，好乞人憎，唔知係咪喺大陸stay 耐左) ，媽媽係家庭主婦。 喺今年年頭，我阿爸喺大陸返左嚟，係為左同我阿媽離婚。有一晚佢地喺度鬧交，嘈醒左我。一開始我都唔知咩事，佢地嘈完之後阿爸就返左入房。我就趁機去廁所(忍左好耐) ，去完之後我阿媽就問我係咪聽到曬？我話聽到少少。之後佢就入左我間房同我講咩事，佢講返除左結婚後嘅頭幾年，其餘嘅時間我阿爸都對佢唔太好。我阿媽一直都想修補，但換嚟嘅係佢嘅冷淡。佢唔知我阿爸出面有冇女人(因為喺大陸做野媽咪睇唔到) ，佢問過阿爸，但佢否認，話分開係因為唔夾，仲話好似影響到我地生活。我阿媽講完後喊左，佢話原來佢一直都蒙在鼓裏。但佢話唔會同我阿爸離婚，因為要保障我哋。之後有幾日嘅夜晚佢都有搵我傾，亦都再喊。其實我自己聽完都唔係好舒服，但我明我係佢唯一一個信得過嘅人，所以我都選擇聆聽。 除左上面嗰件事，仲發生一件對我黎講都幾心痛嘅事。我細佬係個智力有障礙嘅人，平時功課都要花多啲時間去做，遇到啲困難嘅題目都要花多啲時間去講解捭佢聽。有一次佢有功課唔識做，咁啱我同阿媽都唔得閒去教佢，所以就叫左阿爸教。但佢教得好恐怖，一有錯就打佢，最後打到佢喊，大脾仲瘀咗一噠。我嗰陣其實聽到見到，但我唔夠膽叫佢停。之後我同我阿媽傾返其實我好內疚，無好好保護佢。我細佬都好錫好阿爸，成日畫公仔送捭佢。我想像唔到佢捭一個佢咁錫嘅人，嗰個仲要係佢阿爸，搞到咁會幾傷心、幾大陰影。 上個月我阿爸打電話返嚟搵我哋，我接電話嘅時候佢同我講：「我好掛住你呀。講真其實我都唔係好掛住XXX(我細佬) 㗎咋。」(其實仲講左其他傷害佢嘅說話，但我唔記得) 但嗰陣我細佬企左喺我隔離，佢聽到曬。我聽完之後呆左咁望住我細佬，佢都靜左。咁樣一次又一次傷害佢，我見到佢咁都明佢有幾唔開心。 再講下有關媽咪嘅事。屋企一直以嚟都好窮，阿爸亦都好賤，一遇到啲咩問題就掉捭我阿媽去解決，所以阿媽真係一個撐起成頭家。上年，阿媽隻手傷左。佢一掂到凍野又或者拎重野，啲手指就會痛/郁唔到。有一次我哋唔生性，唔幫手拎嘢，搞到佢啲手指又郁唔到，佢就同我地講：「你地可唔可以乖啲？如果可以我都想照顧你地一世。」我聽完之後喊，因為之前阿媽同我嘅關係都唔太好，我覺得佢唔愛我，因為同我啲朋友比，我的確無佢地咁好。但而家諗返都覺得自己好衰，淨係諗佢衰嘢。由細到大只要係我想食嘅嘢，佢都會買捭我(我其實好易滿足，我食到想食嘅已經好開心)。 經過左以上嘅事件，其實我同阿媽嘅關係好左唔少，我變得識得體諒佢。以前佢鬧我，我都會好嬲，甚至會喊，但而家捭佢鬧完，雖然都係嬲，但會叫自己冷靜，諗下佢幾辛苦，然後將件事做好佢。我近排亦都有問鋼琴老師關於鋼琴兼職嘅事(我學琴)，因為想16歲做兼職資助下屋企(其實阿爸長期無收入，我都唔知佢返工做乜)。之後鋼琴老師同我媽咪講我近排對兼職好有興趣，我阿媽知道之後同我講，你讀好書，上大學先出嚟做野啦。我明白學歷好重要，我自己都想讀大學，但我知佢辛苦，所以想幫輕下。我想嘗試下兩邊兼顧，預左會辛苦，但我都想做。所以想徵求下大眾意見，我咁樣做係咪真係好又或者我可以點做，但我唔可以袖手旁觀。 最後一件事啦。我阿爸由我細個開始都對我好好，可以話係偏心我得好緊要。但我唔係好鐘意，因為我會不安同埋我細佬會唔開心，所以我都盡量避免我哋三個喺一齊嘅情況。加上佢又煙又酒，令我更加唔想接近佢(我好討厭)。而且加埋上述事件，令到我更加反感。本來我以為佢上返去做野就無乜野，唔理佢就得。但我聽完之後，我就覺得我好不孝。佢咁錫我，我又唔睬佢，又咁樣諗佢，我好似好衰。我亦都唔想等佢病左/過世先後悔，而家珍惜仲嚟得切，但我唔知點去面對佢。佢始終都係我爸爸，我唔可以咁樣。我好迷茫，唔知點算。希望有人可以瞭解到我嘅情況，再話捭我聽我應該點做。 終於講完啦。都收埋左好耐。多謝大家睇我咁長篇大論嘅嘢，同埋原諒下我講野1999。希望大家可以將你地嘅意見留低，話捭我聽我可以/應該點做。多謝🙇🏻♀️🙏🏻
#NSS家庭 [Guest] 各位好。先講講自己，小妹喺平時會鍾意同friend出街。但係同屋企人出街就覺得好古怪甚至有啲尷尬。唔知係咪因為以前仲細同佢哋出街，我話想要乜佢哋都會話貴。有一次見手搖出咗新品，咁我想試吓。34蚊杯，話貴唔貴，話平唔平。好死唔死返到去佢哋搵到張單，見到寫著32蚊一杯嘢飲，就話咗我成個禮拜，甚至之後都會隔唔時提起。我用盡力解釋我都係第一次飲想試吓，佢哋都唔會聽。 – 雖然兩件事好似冇乜直接關係，但係成日感覺我同屋企人嘅價值觀喺兩個世界。三四個月難得買兩件衫，返到屋企就喺度講「我今日又喺你身上浪費咗幾多幾多錢喇」久而久之，我變到同佢哋行街見到有嘢想買，見到價錢7x都會同佢哋講我唔想買。就算見到有杯手搖想飲，但見到32蚊杯，就算佢攞埋錢出嚟比我，我都會同佢講其實我唔係咁想飲，某一原因係我唔想事後比佢哋話「我又晒咗幾多幾多喺你身上」 – 小妹本身冇零用錢，有嘅都已經「借」晒比老豆老母，只係喺有陣時同朋友出街佢會比50-100我。咁最近我阿公就約我去行街，咁我梗係揀啲我有興趣嘅地方。問題嚟喇，我想買衫(屋企得4件短袖可以著出街)，又想揀啲平啲嘅地方，我就揀咗旺中。其實已經唔係第一次，之前同老豆老母行街，佢哋揀地方都係揀旺中。每次同佢哋行旺中/信和，都覺得好尷尬。身邊所有嘅人都係年青人/情侶，我就帶著家長嚟行，佢哋仲會大大聲咁講佢哋對唔同嘢嘅睇法(which is我覺得好唔尊重)，尤其我老母仲會話「淘寶買平好多」。咁但係我又冇資金可以自己買，如果想買到想買嘅嘢就一定要同佢哋一齊出街，但係我又驚話想買嘢嘅時候佢哋會話貴，事後又話點點點，同埋個感覺就好似大人帶細路出街咁。可能我個人比較敏感，但係我真係好唔鍾意呢種方法。 – 比較想知嘅係點樣先可以緩解呢種感覺？ Sorry for 1999 感謝大家🙏🏻
#NSS個人 [Guest] Admin,如果可以，幫我po ig阿，唔該。🙏 ～～～～～～～～～～～～～～～～～ 大家好，我係一個升F.4嘅男仔。大家可以叫我做傻仔，因為其實我真係覺得自己好傻，傻到好關心其他人，而忽略自己嘅感受，傻到寧願帶住一個”面具”生活，就係為咗令身邊嘅人開。 ～～～～～～～～～～～～～～～～～ 身邊嘅人都叫我做傻仔，因為我所戴住嘅”面具”就係一個好有自信、好樂天傻傻哋，有啲幼稚嘅一個人，然而我..其實係一個好冇自信同安全感、被動嘅人。我有時會覺得自己好矛盾，當有人笑住話我好傻，我應該因為成功令身邊嘅人開心而感到開心，定還是應該因為呢個世界上又少咗一個有機會真正了解我嘅人而傷心呢.. ～～～～～～～～～～～～～～～～～ 我其實真係一個好冇自信嘅人，就連有人讚我嘅時候，我都會懷疑自己係咪真係有佢講得咁好，最後得出嚟嘅結論係：我只係呢個世界上嘅一粒塵，大把人好過我。但係身邊嘅人，特別係同學，都覺得我係一個好有自信，永遠都好開心，外向嘅人。一開始我都覺得戴住個”面具”好開心，但係其實我有好多心事，成日都會突然好唔開心，當我嘗試去同我朋友傾嘅時候，我就發現佢哋已經當左我係一個唔會正經講嘢嘅人(我唔識形容)，我同佢哋講我嘅情況嘅時候，佢哋都會話：你喎，你會咁?!唔好講笑啦。跟住就完咗個話題。自從試過幾次嘗試同朋友deep talk 之後，我就放棄咗，選擇自己收埋啲唔開心。但係當我真係好唔開心仲要維持左好耐嘅時候，我試過喺ig放負，到最後朋友竟然覺得我會主動同人傾心事好外向。 ～～～～～～～～～～～～～～～～～ 我真係唔知可以點做，我而家..好迷惘，我真係好想有人可以明白我。但係老實講，我又唔係好想除低我個”面具”因為當我見到我可以帶畀大家歡樂嘅時候，又幾開心，我唔知到低邊個先係真正嘅「我」 ～～～～～～～～～～～～～～～～～ 我明白可能會有人覺得，點解一開始要戴住個”面具”識人，同人做朋友唔係就係要真誠架咩。而我會咁做嘅原因，係因為我覺得冇人會鐘意我，所以覺得戴住呢個”面具”可以令我識多啲朋友，但係結果到頭來我都冇一個”知心好友”。呵呵，成件事..好諷刺阿可，我都覺，或者呢個就係我當初選擇戴住”面具”識人嘅報應啩… ～～～～～～～～～～～～～～～～～ 最後我好多謝睇到呢度嘅你，多謝你肯睇我呢粒叫傻仔嘅塵嘅廢話🤪😁
#NSS家庭 [Guest] 小妹今年升F2，一直以嚟我阿婆都好困擾我 佢兩年前開始落嚟香港照顧我同我細佬，咁我一開始都冇乜所謂，後尾越嚟越多問題。 咁佢大陸落嚟㗎喇，雖然講廣東話都幾流利嘅但有口音。但唔知係因為大陸嗰邊都係咁，佢講咩都好大聲。次次出親街，佢一講嘢好多人都會望住佢，仲要著住啲類似旗袍嘅衫，又花又綠。比同學見到真係會有少少唔好意思。 咁我阿媽叫佢落嚟係因為阿爸阿媽都要返工，需要佢去照顧我細佬同做啲家務。有一次佢帶我細佬返補習然後我細佬走失咗，佢居然返屋企煮飯，完全冇去搵返我細佬(最尾都係搵得番嘅)真係好無言囉。煮嘢食又好咸，仲要成日覺得自己都冇做錯。唔知佢想點。 喺屋企嘅時候，佢又成日攞住部手機同人哋微信視像通話，一係就凌晨有人打電話畀佢，一係就七點幾佢起身打電話畀人。放暑假原本諗住可以好好瞓下，點知成日畀佢嘈醒。而且佢成日都攞住部手機喺度睇抖音，播到超大聲，好影響我做功課/溫書。 原本佢今年三月就可以返返去鄉下(因為我細佬都升五年級，可以開始照顧下自己)點知因為疫情又要喺度多一年，我覺得我面對佢就快痴線，有咩意見可以幫下我？
#NSS愛情 [GUEST] 大家好，我有個10歲同性戀嘅細佬。先旨聲明，我本人係絕不歧視任何性取向。 . 回歸正題，3個月前我細佬同一個識咗3年嘅14歲嘅男仔拍拖，所以佢兩個一拍即合。而佢哋兩個嘅關係，我屋企同埋人哋屋企人都知，可能我哋兩家比較開明，而佢兩個都互相有良好嘅影響，所以冇反對佢哋一齊。（因為我細佬係潔癖，疫情下唔願出街，佢男朋友成為佢出街嘅原因。而我細佬本身少運動，我屋企人係希望佢每日都會落街行吓甚至去運動吓） . 少少對方背景。對方都算少爺仔，所以我相信佢同我細佬一齊唔係貪我細佬任何嘢（我個人比較現實，睇另一半都會睇吓對方鍾意啲乜）。對方喺港島區有4間物業，而家暑假每個星期都會周圍去，返開我哋住附近佢兩個就會一齊過夜。 . 對方對我細佬其實真係唔差，我細佬同佢一齊好明顯係開心幸福嘅。講真佢哋兩個喺我哋屋企人面前或者出街都會攬頭攬頸，我哋都見過。但係有個問題，就係我唔知點解我屋企人可以容許佢兩個一齊過夜。雖然唔係酒店開房，只係屋企一齊玩過夜，但係明知佢兩個嘅關係，到底係點容許？換着係一男一女你都唔會容許兩個同房過夜，一班人你先勉強會接受。 . 我真係好想知係我心邪定點，我覺得我細佬同佢應該發生過關係，而且唔止一次。（其實我聽過有啲聲係似，不過隔住房門我唔知。同埋我有次去我細佬房放嘢嘅時候聽到佢兩個一齊沖涼）但係我覺得我哋兩家嘅屋企人都以為佢哋好天真無邪，先至容許佢兩個一齊過夜。我究竟可以點樣同屋企人講？佢兩個幸福係一件事，但係我覺得有啲嘢咁細個係唔做得。 . Sorry for 1999 希望admin盡快幫我post出嚟