—類投稿

#NSS個人 [GUEST] 小妹今年升F1，本來興趣班裏面有個感情超級好嘅best frd，稱佢A，之後有人都好鍾意同A玩，於是佢就挑撥離間，之後我同A同嗰個人絕交，但點知嗰個人個家長同好多家長都好熟，結果就開始唱衰我，當然A我阿媽同我阿媽都識，對我印象依然好，但A就好似變咗… 我件事完咗之後我哋決定同挑撥離間嗰個人玩返，佢都同意改過（稱挑撥離間嗰個B）當然我係唔樂意同佢玩，我嘅直覺覺得佢本性難移，但係A似乎好歡迎佢，咁我最後都算啦，咁咪試吓一齊玩囉~之後B個阿媽唔知同啲家長講咗啲咩，A佢以後冇約過我，我約佢佢都話唔得閒，求其噏啲藉口俾我，但奇怪嘅係，A個阿媽對我嘅印象仲係好好，好鍾意我，初頭我都信A講嘅嘢，佢係因為忙，唔得閒，有嘢做，先至唔同我約，畢竟佢係band1A，但我同佢仲有B到住同一個屋苑，我知佢呢排忙，所以我好耐之前約定佢25/7即係今日，可唔可以去海洋公園，佢話佢考咗入一間好學校要努力溫書所以拒絕咗我，但點知今日比我見到佢同B一齊喺條街度，於是我就跟住佢哋（我知咁樣唔太好，但嗰刻我控制唔到自己）我見到佢哋一齊去咗買best frd手機殼，仲即場換咗…我真係好唔開心…佢哋成日話我小題大做，少少嘢就喺度煩，但佢哋真係比唔夠朋友應該比嘅安全感我，仲話best friend，唔好講大話先得唔得？ 至於嗰個B，佢話嘅改善其實一啲都冇改，佢依然係成日口厚住塊面皮咁插係我同A中間，然後約A玩，特登係我面前講大聲啲，我帶着耳機都聽到，咁我都想一齊去玩㗎嘛，我就問佢你地講咩呀？B就即刻話冇嘢冇嘢，我即場問A，佢唔出聲，個氣氛好尷尬，但因為呢件事我真係唔開心咗好多日…我講出嚟佢哋又話我小題大做… 我喺呢度投稿想發洩之餘都想大家幫我諗吓計…有咩方法先可以令到A變返之前咁佢會主動約我，我約佢佢會盡量抽時間，唔會對我講大話，同埋有咩方法可以令到B唔好再咁，或者有冇可能令到我哋可以直接唔同B玩，但問題係佢個阿媽會打電話，希望大家唔好叫我放棄🙏🏻我覺得仲有希望嘅…畢竟大家都一齊玩左7-8年…啲有用嘅啲評論希望唔好介意我用small acc dm你

#NSS其他 [Guest] 留意：長文一篇 話說小弟中一升中二，我哋班入邊有10個人 (包我) 開咗個WhatsApp group攞嚟傾閑偈，平時都傾得幾high，但係最近發生咗啲事 Mirror好高人氣，而我哋10個人入邊有六個都係mirror fans，佢哋平時喺個group度都會講mirror, 我對佢哋冇興趣，所以每次都係offline睇YouTube，不過其餘三個就唔係個個都好似我咁啦，A同B通常會好似我咁已讀不回然後offline, 而C就會講吓負面嘢 (eg某人跳得唔好睇) 或者嘗試轉移話題，我自己就覺得C嘅行為雖然唔係幾好，不過都冇乜問題，但係嗰六個fans入邊有一個比較激進嘅叫D，佢每一次都會參與關於mirror嘅討論，C比較少online, 所以平時都冇乜問題，不過C一online，佢就會做以上嘅行為，而D又唔鍾意，跟住佢哋兩個就會開始嗌交，每次都好快嗌完，因為C講完兩句就會offline 最初講緊嗰件事就係C同D嗌交嗌得好嚴重，兩日前，嗰六個人包括D又喺度講mirror，C就話mirror跳得唔齊，D就鬧C, 話佢唔尊重mirror，仲爆粗，C就罕有咁反駁 (我覺得應該係因為D之前成日鬧佢，佢終於頂唔順)，話佢自己根本冇錯，點解要鬧佢，如是者佢哋兩個差唔多嗌咗半個鐘，之後D仲喺ig狂鬧C, 到而家都未和解 對於呢件事，我覺得C係有少少撩交嗌，不過佢講嘅只不過係佢自己嘅睇法，完全冇要踩低mirror嘅意思，D對佢講粗口同鬧佢，係非常之有問題，不過我唔打算插手，佢哋兩個自己搞掂佢 我只係想講，追星唔係問題，不過要理性，唔好人哋講少少負面睇法就鬧，咁樣係好乞人憎嘅做法，會令人哋討厭你/其他fans/明星 非常之長嘅分享+發洩 文句可能有啲問題請大家見諒 admin pls post

#NSS個人 [Guest] 想講下「性單戀」。佢係咪一種性取向好似仲爭議緊，但我都好想同大眾普及下呢樣野。 性單戀，Lithromantic，講緊係同另一半確認關係之後會覺得焦慮、噁心，心理同生理上都會覺得好反感，但係又控制唔到，又稱「迴避型依戀」。唔知呢種係咪病啦，明明之前好鍾意一個人，一起左之後又突然唔鍾意，好想好想推開佢。好多人話呢啲都係藉口，只不過係玩感情、唔夠愛。佢地每一次都好用心好用心好想好好經營一段關係，但係就係做唔到。面對另一半想拖手、想掂佢地，或者講啲好sweet既野，佢地會覺得好大好大好大壓力。唔想辜負另一半，好想好似正常情侶咁相處，但係往往到最後都會選擇冷暴力，然後分手。 有言呢樣嘢係因為童年有創傷，例如屋企人關心唔夠、認為自己不值得被愛等等等等。可能仲有好多好多唔同因素——始終研究呢樣野既人唔多….😞 有個性單戀既另一半其實都真係幾慘，莫名其妙就比人飛左。咁睇佢地真係好渣。雖然係咁，我希望大家除左責備呢仲不負責任既行為之外，都可以多一分同理心，如果係真心的話，希望你地雙方都可以好好溝通，慢慢治癒，慢慢慢慢慢慢行落去。因為佢地真係真係真係真係好想好想好想好好拍拖。 Lithromantic既各位，我地係好少數既人群，無數人誤解、唔了解、責罵。但係我地要知道，總會有對的人，我地都總有一日會有勇氣面對關係，一齊好好幸福的。真的。會好的。

#NSS其他 [MCs] 小妹今日就去咗動漫節，同咗幾位cosplay 姐姐們影相，其中一個我無同佢影相嘅姐姐勁無禮貌，我好有禮貌咁問佢可唔可以同我影相跟住佢咁講「吓，你要同我影相，我趕住走。」跟住啤咗我幾眼，見到佢咁，我就行開咗。不過之後15 分鐘佢都未走，在原地玩手機，我見到依一幕，即刻表示無奈。。。 其它姐姐都好有禮貎，辛苦晒，見佢哋啲衫有啲都幾厚。

#NSS家庭 [GUEST] 我阿媽今日無端端同我講佢27號要打疫苗，仲要係科興🥲本身我阿媽身體就唔好但係佢同我講佢問過醫生醫生話俾佢打，我又問做咩唔打復必泰 🥲🥲之後佢又話復必泰嘅副作用好強🥲我心諗科興咪仲容易死人🥲我真係好擔心我阿媽唔知點勸佢好🤯pls post ig 🙏🙏🙏🙏

#NSS愛情 [九龍某中學] Umm hello咁多位,有啲感情上嘅嘢想問下大家 〔文章稍長〕 小妹讀緊中學,目前為止係雙性戀(bi),自己由小學開始都有暗戀過男同女,但係之前小學對性向或者性別呢方面嘅嘢都冇乜認識,直到中學先發現自己係bi。 不過我發現自己好似有個問題(?) ,就係我好似會同一時間鐘意多過一個人。先講下我直到呢一刻都暗戀緊嘅人。 中一嘅時候我係鐘意咗一個女仔,當時我哋都喺壁佈組,所以放學之後會一齊整壁佈,之後就鐘意咗佢… 直到中二下學期,我又鐘意咗個男仔。佢係坐喺我隔離嘅,而且IS都畀老師編咗去同一group,所以上堂嘅大多數時間都會同佢一齊坐。因為日積月累嘅時間,我又慢慢咁愛上咗佢。 喺我鐘意呢個男仔同時又鐘意個女仔,究竟我係咪有問題？想問下咁樣正唔正常？應唔應該同佢哋其中一個表白？ 多謝睇到呢度嘅你,希望篇文唔會太累聚或者太長。 唔該哂admin! 利申:A0女

#NSS社會 [GUEST] 我係基督教，對於同性戀，我認為尊重係必須嘅，但唔鼓勵成為同性戀。神愛世人，包括同性戀，但唔代表認同同性戀。你可能認為性取向係無法改變嘅，但當你真心信神，願意行神為你準備嘅道路，你嘅性取向，神最終會比個答案。有人會問咁神點解比同性戀存在？神比同性戀存在係想比人有機會選擇，好似罪咁，神討厭罪惡，但佢都存在，係為左人可以有選擇、可以切切實實咁經歷神。聖經講明反對同性戀，身為基督徒，我絕對相信聖經所講嘅話。 自認自己唔係講得最好，亦預左有人會反對，希望大家可以理性討論

#NSS個人 [其實我唔係好知呢度需要寫啲咩🙏🏻] 真係好撚憎喺度睇抖陰但IG Story po勿忘721之類嗰啲 同朋友call嗰陣又話咩自己係香港人 又喺度話支持蘋果支持立場 然後又踩中共 個人簡介寫光時五缺 轉個頭又喺度睇抖陰 喺度話咩咩李現黃一搏好靚仔 又喺度睇啲大陸劇。有陣時仲喺度打啲大陸game又喺度寫殘體字。都唔知佢哋想點 Sor for 1999🙏🏻只係想申訴下

#NSS社會 [GUEST] 純分享我嘅睇法 – 見到之前有個post講lgbt，我想喺度分享下我對lgbt呢個term嘅睇法。先講明我對係lgbt嘅人冇乜感覺，唔會特別支持亦唔會反感。 – l = lesbian 女同性戀者 g = gay 男同性戀者 b = bisexual 雙性戀者 t = Transgender 跨性別者 我認為lgb同t根本係兩樣完全唔同嘅嘢，lgb 係指一個人嘅性取向，而t係指一個人對自己嘅性別認同同自己嘅性別唔同。我想講嘅係，我覺得唔應用lgbt一個term嚟將同性戀/雙性戀同跨性別綁埋一齊。 –

#NSS愛情 [yl] A小姐係我女朋友 C小姐係中意我 (A同C其實原本係好朋友) 我依加真係肯定C小姐中意我 我唔知我應該講咩 不過我真係唔想冇咗個bff 我應該要講聲對唔住 可能係我做太多搞到c以為係曖昧 平時搞下笑 講下笑話咁 其實c真係好好好好好好 我冇咗c真係唔得 好唔慣 少咗個樹窿陪我 冇咗個真心嘅好朋友 我有諗過同A小姐一齊會少咗啲嘢 不過冇諗過會失去埋你仲有好多frd 我真係好唔想 真係真係好唔想 我唔知點解會搞成咁 我都好唔想咁 不過我依加已經同咗C一齊 我冇可能同A一齊