#NSS愛情 [GUEST] 第一次po嘢，唔係好明成個系統點work if possible admin pls post ig, thx 🙏 ———- 學校搞嗰個活動辛苦曬 雖然因為唔同學校 我冇可能喺你身邊支持你 但係你成日喺度嘈話麻煩又話邊個邊個on9 最後都係照做得成 感受到你對你鍾意嘅嘢嘅愛可以去到幾深 之前成日約你出街 literally差一步就遇上 而家最後冇得同你以情侶身份出街雖然都係有少少後悔 但係始終「情侶」呢個身份喺呢個社會嚟講 俾嘅壓力同埋要求太大 綁死咗喺一個我哋兩個都唔舒服嘅一種關係入面 解綁咗之後都覺得舒服好多（鬼叫我哋兩個精神健康都差得咁相似咩
#NSS個人 [Guest] 同朋友嘅關係好似越黎越疏遠，明明朋友係應該雙向付出，但一直以黎都好似得我付出咁，佢唔開心，我即刻去搵佢，陪佢傾計開解佢，我唔開心想搵佢傾下，佢直接hea覆我話，無事嘅，你自己諗多左姐。應承過我好多嘢都無做到，話去staycation仲講到明一定去到，宜家提起佢都扮聽唔到。佢有個細acc正係比frd fol，宜家仲唔比我fol佢。佢成日都話好忙好忙，我知每個人都有自己嘅嘢要忙，我哋班frd有個grp，直接不讀不回，可能你真係忙緊啦，但係我唔知原來忙緊嘅人，仲可以po ig story，仲可以玩snapchat，約你都話無時間，其實老實講，如果真係有心想約嘅，又點會無時間。想問下大家嘅意見，因為唔知點處理呢段關係好，可能你哋會覺得我無理取鬧，但係我真係唔知點算好，宜家同佢嘅關係就係好似返學明明仲好frd，一放假就好似陌生人咁，我同一齊玩開嘅frd講返，佢哋就係係咁話我諗多左。我真係覺得朋友係需要雙向奔赴，可能唔需要日日見，但一定要個心係到，呢個問題困擾左我好耐，完全唔知點算好，希望各位可以比啲意見我。唔該曬咁多位🙏🏻
#NSS家庭 [GUEST] 我真係頂唔順我阿嫲。(長文慎入) 是咁的，小妺今年16，兩歲開始已經係阿嫲湊(仲有幾個屋企人一齊住)。 細個嘅時候阿嫲講嘅嘢我當哂係真理，但依家大個咗我諗返其實好多都係歪理；同埋我上左中學之後佢開始成日挽嘢(P5P6嘅時候都有不過冇咁多)，我叫哂救命。 我老母住大陸，平時一兩個禮拜會落嚟見我一次。細個嗰陣我阿嫲已經成日都話我老母呢樣唔好嗰樣唔好，有咩事又賴哂落我老母度。例如有次我講大話我姑丈教緊我，佢喺側邊話「肯定係佢阿媽教啦，呢度邊有教佢講大話」；又成日同我講「你阿媽喺大陸日日飲醉酒嘔到個廁所好臭」丶「佢沖完涼淨係用條毛巾包住個身就行出嚟好核突」…….諸如此類(之後先知我老母開酒吧飲醉係迫不得已)。有人同我講過佢唔鐘意我老母係大陸人，佢鐘意嘅係當時我老豆喺香港嘅女朋友(係啊我老豆一腳踏兩船)，但我真係唔明點解要喺我面前數我老母。我老母被你個仔拋棄要食自己已經夠慘，你仲可以咁講嘢㗎咩？ 然後再講下(我上咗中學後)佢平時所作所為： 日日喺屋企睇語殘片聼紅歌，睇劇唔緊要，但係開到最大聲要冚家都迫住聽就真係好緊要。叫佢戴耳機，佢唔肯，話對耳仔唔好；問佢係唔係聽唔到洗唔洗帶佢去check下，又話冇事唔洗check。 嘈我可以接受，但最大問題係佢睇完之後用返哂啲招數嚟對付我。扮可憐借刀殺人挑撥離間呢啲佢全部都睇語殘片惡補到出神入化，例如喺阿爺面前扮弱者，然後阿爺打7我；一朝早大大聲咁話我(例如我整污糟左地下)專登嘈醒全家，叫佢細聲啲就更加大聲咁嗌，然後我就被人鬧，佢就負責加鹽加醋；日日同其他人投訴我，然後依家差唔多全部屋企人都討厭我。講到做戲，小學有次佢無啦啦挨住個雪櫃喺度喊，一路喊一路sir落地，最後坐咗喺地下喊，嗰時我嚇到傻咗(見佢好傷心咁樣)，喺咁氹佢。 我依家基本上一日有20小時匿埋係自己間冇門嘅房。跟住佢就成日想偷窺我做乜，行路完全冇聲突然間就出現喺我房門口，問我要唔要食生果，掃地又借啲意喺門口掃好耐，如果俾佢見我睇小説或者喺度畫畫呢啲「無謂野」又會嗌話我唔讀書，又各種篤灰(「佢上次乜乜乜啊」之類)，搞到家嘈屋閉。 佢前排問我讀Form幾之後突然間同我扮friend，我好驚。 仲有太多我唔講啦 阿嫲其實湊左我好耐所以我唔係憎佢，而係覺得好煩。感覺上佢想控制我，我唔聽佢話就搞死我。 我究竟可以做啲咩抗衡佢啲小手段????? (多謝肯睇到呢度嘅各位, sorry for 199999) Hope could post on IG. Thank you
#NSS學校 [SFXC] 小弟今日想唻「多謝」一位老師 我今年F3,為左揀科大家都非常努力,而班主任為左令我地成積好啲,所以經常會喺課堂分享佢以前既揀科經歷,一講就講半堂,佢仲分享過自己個仔考試全級第7（自稱）,但竟然擔心自己揀唔到心儀科目,以此激勵我地努力讀書揀好科既動力。 為左舒緩我地讀書既壓力,每天上課前都會播d悠揚悅耳既音樂,例如我地偉大的祖国既鋼琴家郎朗於天安門演奏既片段, 老師向我們抒發對郎朗既憧憬,估唔到係老師莊嚴外表下藏着一顆對鋼琴既赤子之心。 上堂時,佢並冇作太多講解,而係直接俾答案同學抄,從而訓練我地既獨立思考能力。 老師對同學考試都好上心,考試前佢不斷強調一些某1part必考,又俾1啲其他班中文老師冇提及既”tips”。去到最後考試,佢所講既內容一題都冇考,我真係多謝佢令我學習到更多本來冇點溫過既知識。 能夠有一位咁好既老師,簡直係三生有幸,佢教學突破左人類既想像,我由衷「感謝」佢呢一年對我地班既教導。 Sorry for1999
#NSS學校 [GUEST] 我喺學校有一個識咗唔夠兩個月嘅朋友，但係我哋好friend，我哋會成日黐埋一齊😆。但係近排佢同我哋一個middle friend 玩得好埋成日上堂傳紙仔，所以我有少少呷醋😅。之前會想睇，佢都會俾我睇。但係前幾日我問佢佢就唔俾，佢話係middle friend講咗啲秘密俾佢聽就唔俾我睇。跟住我就冇同佢講嘢，因為佢全程都喺度傳紙仔。我小息嘅時候佢哋兩個去咗廁所，嗰啲字這總共有兩張，有一張佢哋就唔小心擺咗喺枱，我就唔覺意望到，上面寫着我嘅壞話，話我有公主病好八卦之類嗰啲😔，仲話只係唔俾我睇紙仔就喺度唔理人。佢返嚟之後我就扮冇睇到，但係佢哋都知我睇到嘅，跟住我就同佢哋講返嘢，扮冇事發生。而家我同佢仍然一齊玩得好癲。佢哋上堂仍然有傳紙仔，但係我就冇睇喇，就只係會有啲唔太happy會諗返起佢寫我壞話但係我係學校唔多朋友就會當冇事發生。我想問吓其實呢個係唔係我嘅問題，我唔應該咁八卦？😰🤨 唔該你哋可以睇晒呀😊
#NSS家庭 [GUEST] 小妹俾阿爸睇到沖涼…依家每晚諗返起都喊…阿媽知道叫我去見社工，但我唔想比咁多人知… 小妹今年F1，阿爸不嬲都有少少鹹濕，可能男人係咁，但我又唔見我啲friend有咁嘅問題（我哋成日都互相講）因為我信得過佢，係我未嚟M之前我都仲對佢冇咁避忌，但我覺得佢好似越嚟越過分，幾星期前我食飯嘅時候同佢坐同一張枱，平時我鍾意幢高隻腳坐，然後我食飯唔小心跌咗粒飯喺櫈嘅邊沿，同我個pet係有一大段距離，我阿爸即刻幫我執粒飯，然後順手兜來摸我，我同我阿媽講佢唔信，我應該點算？之後我屋企廁所個鎖不嬲都壞壞哋，我第一個提出要整返個鎖，我阿爸第一個反對，但我冇諗咁多每日都照去沖涼，平時我沖涼都會播歌，所以我沖緊涼佢冇藉口話唔知然後開門，但今日因為我手機冇電我就冇播歌，佢扮都唔知咁開門入嚟，嗰陣時我冇着衫但係未開始沖涼，之後睇一眼之後即刻閂返，我之後喊咗，於是同左我阿媽講，我阿媽返緊工即刻返屋企，但我阿爸同佢講話係我冇鎖門，然後佢以為廁所冇人就開門囉，但我想講返我屋企兩間房，個廳唔算大，佢行得去廁所嗰條路就應該見到我唔係客廳唔喺房，咁自自然然就喺廁所㗎啦，佢仲開門我覺得係特登嘅…之後我一直唔敢沖涼，最後決定打俾我阿媽，但佢咩都聽到晒，仲喺度話咩生舊叉燒好過生我，我真係頂唔順，阿媽又唔俾我搬去阿婆度，佢話唔想俾阿婆知道呢啲事… Sor for1999，可唔可以幫我諗吓辦法，我老竇成日擦我阿媽鞋，因為之前我老竇做生意嘅事呃過我阿媽…所以唯有咁樣擦鞋彌補，但我阿爸就對我好衰，阿媽喺度就扮晒好。