#NSS學校 [某間band 3A中中] 小妹今年F3，下年想轉去band 1-2英中,，而我最想入嗰間係band 1b。我上網見到有啲人話就算你喺band 3攞全級第一轉去band 1都冇乜可能。（上年攞全級頭19，嗰陣Hea讀）但係我又覺得呢幾年好多人移民，應該會容易啲入（？）小妹想問吓如果今年攞top5，有冇機會入？

#NSS學校 [GUEST] 先多謝Admin出po(｡･ω･｡)ﾉ♡ 我今年Year1，呢兩日同中學時期嘅Frd傾開計，發覺好似佢地全部都會為自己係大學嘅人際關係而感到擔心（例如呻冇人一齊食飯或者放學或者冇仔/女溝之類嘅）。 但係我就唔係好明佢地，自己一個人唔好咩？自己食飯唔使就住同學要出去食貴野；又唔使浪費時間係虛假嘅人際交往互動上（利申中學啲Frd知我本來就係鹹魚性格，唔中意交際，同佢地做Frd係因為有共同興趣+經歷左啲事。所以各位手下留情勿屌，&我親愛的Frd子們我永遠愛你地［真心］）；同埋課堂之間得閒個陣仲可以自己去圖書館溫書/預習，唔使比啲同學纏住傾八卦……..同埋難聽講句，其實去到大學呢個階段，大部分人嘅交友圈都已經係固定左係中學個班同學啦。就算你真係想識啲大學同學做Frd，都只係表面姐。何苦為左HiBye Frd日呻夜呻？ 真心疑惑點解會有人沉迷社交(´⊙ω⊙`)但係會社交係好事，如果唔係就會比人叫毒L/其他再難聽啲嘅花名（宜家我就經歷緊呢個階段（笑））如果有乜好建議可以令我擺脫呢個情況，就先多謝各位啦~(ㆁωㆁ)

#NSS家庭 [Guest] 其實係唔係我錯？ 小女今年14歲，有個大我兩年嘅家姐。近排我 啊媽成日覺得我欺負家姐。有一次，我哋要去廳食飯，我經過我家姐間房，見到佢沒熄燈，就提吓佢要熄番盞燈。嗰陣時我已經行到廳出邊，同我家姐一齊坐低咗。家姐叫我幫佢，我就同佢講佢由細到大都同我講嘅話：自己嘢自己做。點知我啊媽聽到，就鬧我點解唔幫佢，話我自私。最好笑嘅係，當我係同樣嘅情況下叫家姐幫我，我阿媽就話我自己嘢就要自己做，要我自己熄燈，又鬧我懶，乜嘢都要人幫。平時洗碗，我自己洗咗我啲嘢，要家姐自己洗(因為平時家姐都唔會幫我洗)，啊媽就會鬧我點解唔洗家姐啲碗，話家姐成日讓我，唔可以咁自私。其實每次我家姐都會話「我成日讓你，今次又讓你ga la!」我啊媽就會迫我讓佢。其實我係唔係真係咁自私呢…

#NSS社會 [Guest] 「抑鬱症」 希望你可以花少少時間睇完呢篇文 我有個朋友都係抑鬱症患者 每次見到佢好唔開心 覺得佢自己好冇用嘅時候 我都覺得好心痛 我知道我唔係單單講啲樂觀嘅嘢就可以幫到佢 我唯一做到嘅就係聆聽同陪伴

#NSS學業 [GUEST] 小弟今年中4，係2024DSER。眾所周知，考評局改咗DSE個制度，點改就唔多講。講返入大學要求，係3322A再加2科Elective 。小弟學校喺一間重視理科多過文科。而學校揀科，如果讀3科班就一定要讀CHEM再揀ECON/PHY同BIO/ICT。又可以讀M1/M2。重點喺今年既揀科規則大改，3科班唔再一定要讀CHEM，可以讀其他文科，其他都無乜大變。小弟最嬲既係考評局9月已經講咗大執制度，7月先揀科，理應可以執到新既揀科規則，無理由要成年先編到新規則，如果學校一早唔使強制讀3科班既讀CHEM，可能成級既命運都唔同。 小弟覺得自己好似做咗白老鼠。 SORRY FOR 1999

#NSS家庭 [GUEST] 唔知有冇人同我老母一樣好鍾意將氣撒落自己仔女到😿 小妹今年中二，有一個細妹，平時我哋兩姊妹關係唔差，但係我媽咪可能有陣時返工唔開心，會將返工人哋比佢嘅壓力同受過嘅氣撒落我兩姊妹身上，但係我哋已經做好晒佢要我哋做嘅家務，甚至我已經做埋洗廁所洗垃圾桶嘅要求，佢都係照鬧。 不過而家好咗好多，起碼唔會打，細個果陣係郁手打，大個咗好少少，唔會打淨係鬧，但係鬧嘅嘢都好難聽，例如咩仆街冚家剷嗰啲，我都唔明白點解佢要鬧埋自己🙃 我都會安慰自己其實佢只係工作壓力大或者啲同事真係好衰好衰，但係聽到佢鬧我哋嘅說話真係唔好受，甚至因為佢經常咁樣我同我細妹喺屋企都唔會開心，成日驚自己做漏乜嘢俾人鬧，又或者有陣時淨係佢/我俾人鬧，心理會唔平衡（？我都唔識講，總之就係心會唔舒服。 其實我爸爸好錫我哋但係要返工，多數食飯先番，翻到屋企已經又辛苦又攰🤦都唔知點樣開口同爸爸講呢件事，大家有冇咩建議？ sorry for1999

#NSS學校 [Guest] 多謝admin post🙏🏻 話說我今年要揀科，我想向醫學方面發展。我只問是有理科天份，但係我上年可能因為上網課，基本上冇專心過上堂，但係上年教咗好多基礎知識。數學都還OK，但係chem就好大鑊。我依家文科都考得OK（因為可以死記）。我實在決定唔到揀咩科（學校唔會reject），因為我知道如果我唔讀phychembi 就無望做醫生，但係我本人對文科真係無興趣。 ps我chem僅僅pass，其他科全部算高 唔知道有冇可能追番一年內學過嘅嘢 sor for

#NSS家庭 [[GUEST]] 我屋企有個On9嘅玻璃骨阿哥，最幣仲要同校。佢中六，我中四，我地差兩年。一直以嚟，佢都吾肯聽我學業上嘅意見，而屋企人淨係聽佢意見，都冇勿點問我，亦冇關心我，佢就成日講佢同佢果班所謂嘅frd嘅野，其實佢俾佢D frd玩緊都吾知，其實我亦冇興趣知，亦吾想知你D野，反而我想你關心我多D lo。 最近佢拍拖la，我真係笑左，玻璃骨都有女？佢每次撩人打交，挑釁人，自己又打輸，前幾排入埋醫院，好心la，你吾好搞咁多麻煩la，其實你係咪駁人同情姐？ 我阿哥成日講野吾經大腦，聽佢D同學講，上堂成日衝出嚟柒，答問題係可以錯哂，仲要俾老師訓話，佢條女其實欣賞我阿哥D咩，真係不解，不過我有一次落樓梯見到，其實佢條女真係好八婆兼樣衰，同阿儀有得揮，真心先知原來我阿哥D taste咁差。 點解個個人都關心果條廢柴而吾關心我，冇人關心我，其實我想佢理我多D。 其實係咪玻璃骨就係On9

#NSS愛情 [小明] 小弟今年中三，識咗一個女同事，佢成績好好，雖然唔係好熟，但係佢係我朋友嘅初戀，而我朋友已經放棄咗，我就見到佢成日望住我，我都對佢有小小好感，但我覺得咁樣好似對我嘅朋友唔係咁好，我應該點做？

#NSS學校 [屯門區某中學] 前提文字有啲多，請見諒🙇 唔知道大家有無試過由原本兩個人啲友誼變成四個人啲友誼呢？ 先講一講人物設定： 我同A係由小學認識，之後仲入埋同一間中學 B就同A在中一同班認識，之後再跟我認識 C同我中一同班認識後，先後同A和B認識 A、B、C三個都係比較豪爽同外向啲類型，即係個啲唔鐘意邊個，就私底下鬧佢或直接翻面，有時講五句野就有一句粗口啲類型 我就係個種偏向內向的類型，哪怕人哋鬧我、針對我，我都係個種大事化小，小事化無的人，亦都唔鐘意講太過難聽啲粗口，再嬲都淨係識講「幹」就無啦啲人（以上絕無美化，現實我真係咁樣）

#NSS家庭 [Guest] 是這樣的 小弟我懷疑我媽有躁鬱症 平常他的情緒變化基本就是兩極 上一秒很溫柔 下一秒會因為一些小事而大發脾氣 不斷罵我X能 X癡 X柴

#NSS個人 [沙田某中學] 以下呢篇嘢幾長下，同埋非常1999，睇到就睇啦 小妹Form 4，我哋學校係form 1至form 3班，form 4至form 6一班。今年我識咗個新朋友下稱G(女)，佢係我班唯一嘅朋友，我一直都好信任佢，直至佢近排日日都同我講呢件事…… ***************以下嘅嘢都係佢講嘅***************

#NSS愛情 [guest] 鐘意左個女仔一排(對方唔知），雙方ig都係密友，點知因為上堂有人講左d關於男女朋友之間ge野，令我知道左佢有一個男朋友，但好似未確認關係 自己好混亂，應該點算好？繼續定放棄？

#NSS學校 [Nthykyldss] 同大家講件吊詭嘅事 是咁的 上個禮拜我哋轉左全日 我地學校會鎖電話 Lunchtime 都無得拎翻 而我地學校細 學生係要出去食飯嘅

#NSS學校 [CHECSS] 小弟係一名form.6學生，喺呢間中學就讀咗近六年。Form.3嗰年，中文科科主任接手咗我哋班嘅教學，以教中文爲主。由嗰一年開始，無論係當時嘅同班同學或者科長，都成日唉聲嘆氣，話個科主任好麻煩、好難頂。當然——我都唔例外，更何況我係鍾意駁嘴嘅學生，難免會被佢針對。 因爲學校實行嘅制度係加/扣分制，所以品行分同勤學分對於學生而言，重要性係僅次於成績。記得form.4嗰年，我嘅座位被分配到一個成日上堂瞓覺嘅同學嘅隔離。某日，科主任一入班房，就直接喺全班面前講：「林XX同學因爲上堂經常瞓覺，嚴重滋擾課堂秩序，我會扣佢品行分3分。」喺邏輯上，林同學瞓覺嘅行爲並無發出聲響，甚至連我坐喺佢旁邊都冇聽到佢嘅鼻鼾聲，而瞓覺純屬係佢拒絕參與課堂，何來滋擾？之後，我同佢解釋咗嗰次扣分嘅唔合理之處，佢又公開要求我出去同佢擦黑板，真係當自己係皇帝？抹殺反對聲音、要求絕對忠誠，這樣真係師表所爲？最後，喺我堅持拒絕嘅情況下，佢唯有自己擦。 嗰次之後，科主任私聊咗我。佢先send咗一張相畀我，係我份小測卷。正當我感到疑惑，佢先話我知，話我嘅小測卷仲未完成改正，減慢咗佢嘅批改進度，麻煩我要改善。下？我心諗，學校畀人工你，你就預咗要做呢啲㗎啦，依家走嚟無理取鬧係咩事？雖然明眼人都知，佢係報復緊我上次嘅反抗行爲。 嗰一年，係學校第一年聘請T.A.(教學助理)。有一日，我見到科主任對住個T.A.破口大鬧。放飯嗰陣，我走去問個T.A.咩事，總結返就係科主任冇給予清楚指令，後嚟連學生都唔清楚自己要做咩，科主任就一味閙個T.A.，話佢唔識做野。到考試前，因爲一啲特別安排，科主任要T.A.親手將每一封電郵寄畀form.2-form.4嘅學生(約300人)。喺send之前，科主任已經將畀每一級嘅電郵内容寫好咗，T.A.只需要寄出。點知，後嚟科主任發現寄俾form.4嘅電郵内容有問題，更改之後要T.A.將所有寄畀form.4嘅電郵再send多次(約一百人)，而唔係直接發放公開嘅更正消息畀form.4學生。老老實實，其他科嘅T.A.都唔會畀其他老師咁樣對待。之後我都有繼續同個T.A.聯絡，佢話科主任之前同低form上堂有提起過我，話我品格好差，上下上下堂又會無端端數校長啲衰嘢同埋將過往師兄啲嘢爆曬出嚟，最極端係之前有師兄因爲科主任隔硬屈佢小測出貓，爭啲攞張凳車落佢度。 疫情開始之後冇幾耐，學校就開始咗Zoom授課。Zoom授課嘅一大特點，就係所有學生都可以將老師講嘅野聽得一清二楚。我有一位同學，姓黃，因爲長期欠交功課，基本上科主任每次追功課嗰陣，都會對黃同學羞辱一番。「你係唔係唔想讀書啊？知唔知醜啊你？你唔要浪費全班同學嘅時間好唔好啊？我從嚟都冇見過好似你咁懶嘅學生囉！唔好同其他人講話你係我嘅學生。」加上佢嗰種特登、做作嘅語氣，連我都感到難堪。我唔贊成唔做功課嘅行爲，但係咁難聽嘅說話，真係有必要當中講出嚟咩？唔做功課就應該任人侮辱？其他老師都係輕輕帶過，唯獨佢會咬緊唔放，一定要羞辱一番先安樂。 近期，即係2021-2022學年初，科主任嘅身邊莫名多咗一堆忠誠嘅學生助手，簡稱舔狗。佢哋嘅主要作用係凸顯科主任嘅地位同淫威，仲有聽命行事。我嘅一位何姓同學因爲本身品性純良，唔識得反抗，所以成日畀科主任欺凌。點樣欺凌法？以欠交功課爲由，同所有人講：「所有同學，你哋嘅作文功課可以一星期之後先交，但係何同學唔得，因爲佢欠交功課！」可笑嘅同時，令我感到難以置信嘅係，其實何同學並唔係全班唯一欠交功課嘅學生。嗰一節中文堂完咗之後，何同學冇講過一句說話。直至佢嚟我屋企食lunch，先忍唔住喊咗。可想而知，科主任嘅行為都幾過分。 直到上禮拜五嘅最後兩堂中文堂，科主任用咗55分鐘嚟閙人，而理由係「課外活動會影響學業成績」。内容撮要：「科主任首先閙咗全班一次，之後突然捉人問有冇參加課外活動。咁我舉咗手話參加咗歌唱比賽，佢就話歌唱比賽會浪費許多時間、對我成績冇好處、要我暫時放低興趣……但係我基本上都反駁到。之後佢又逼我將參加咗課外活動嘅人名畀佢，又話我因爲唔識某篇典故，所以中文成績差」總之就係毫無理據咁發洩。處理完我，就再閙返全班，兩堂中文堂剩低5分鐘先臨時派工作紙。到嗰日夜晚，佢仲好意思喺whatsapp群組send啲四字成語，教我哋要「修心養性」、「心無旁騖」，搞到好似係我哋得罪佢在先。咁我咁我攞返中文堂佢鬧我嘅嘢出嚟自嘲，佢又好肯定咁話我會到HD或者Found Dip，之後仲莫名其妙咁話我品格差。。。我真係忍唔住，直接閙返佢轉頭。（如圖）

#NSS家庭 [CDIS] Hi, I don’t know if that’s okay for

#NSS愛情 [Wxx] Nss admin plz post thanks🥲 小妹今年中四 本身一直都覺得自己一係bi一係Les ga

#NSS個人 [GUEST] 麻煩admin post ig 唔該 小女今年中三,唔知點解由小學開始瞓幾耐都瞓唔飽。我都試過同阿媽講,但佢只係人覺得我太夜瞓,叫我早啲瞓。我有試過早瞓,但都係瞓唔飽。我驚我自己身體有問題先導致咁。有冇人可以俾啲意見我呀？(Sorry for 1999)

#NSS社會 [我覺得TVB 幾好睇] 一直都鐘意睇TVB 起碼愛回家都ok 反而覺得Viu 冇咁好睇 睇過大叔的愛真係覺得麻麻地😅 (以上僅個人觀點,純粹想表達自己感受🙏🏻)

#NSS愛情 [GUEST] 是咁的 小妹鍾意左一個冇乜機會得到嘅人 唔算長文 不過希望大家睇埋落去 就係今年3月 我返學嗰陣持續見到一個師兄 當時覺得佢幾靚仔 不過嗰時只係當普通師兄咁睇