#NSS學校 [GUEST] 世界真係好唔公平 交代吓背景先，小妹今年小六升中一，派咗去一間band2b嘅中學，我畢業試考到全級第二，去咗band1b傳統名校叩門完全冇消息。 我嗰班有人數學得30分結果派咗去band1c學校，有啲成績麻麻嘅都入到band1c-2a嘅學校，真心覺得好唔公平，好唔抵得見到人哋開心嘅樣。放榜嗰日，得我一個人係喊住出校門。我背後付出咗幾多努力就好似付諸流水咁。有啲全年名次後過我嘅人都入晒band1b嗰間傳統名校，真心覺得好難受。主科老師都有黎安慰我，話有心讀嘅話去到邊間中學都一樣。但係我最在意嘅係我會俾人標籤為一個band2學生，就算我入到精英班，都唔會有人在乎，佢哋只會覺得我係成績差先入到黎個banding嘅學校。我明明已經派唔到心儀嘅學校已經夠挫敗㗎啦，我阿哥仲要黎同我講話「就算你真係叩門成功，入到band1都唔會升上大學，啲功課更加都唔會識做」等等落井下石咁，雖然我嘴上說唔在意佢黎啲廢話，但係多多少少都會俾佢影響。我依家人生就好似跌咗落谷底咁，已經玩完。我有個frd（入咗band1b傳統名校）成日都喺學校（小學）串我，依家我入唔到，佢肯定會更加睇唔起我。 其實成篇嘢都係想發洩吓，因為我依家真係唔知搵邊個講（邊緣啊同埋屋企人關係都唔算好）多謝你好耐心咁睇完🙏🏻

#NSS愛情 [GUEST] 第一次po嘢，唔係好明成個系統點work if possible admin pls post ig, thx

#NSS個人 [Guest] 同朋友嘅關係好似越黎越疏遠，明明朋友係應該雙向付出，但一直以黎都好似得我付出咁，佢唔開心，我即刻去搵佢，陪佢傾計開解佢，我唔開心想搵佢傾下，佢直接hea覆我話，無事嘅，你自己諗多左姐。應承過我好多嘢都無做到，話去staycation仲講到明一定去到，宜家提起佢都扮聽唔到。佢有個細acc正係比frd fol，宜家仲唔比我fol佢。佢成日都話好忙好忙，我知每個人都有自己嘅嘢要忙，我哋班frd有個grp，直接不讀不回，可能你真係忙緊啦，但係我唔知原來忙緊嘅人，仲可以po ig story，仲可以玩snapchat，約你都話無時間，其實老實講，如果真係有心想約嘅，又點會無時間。想問下大家嘅意見，因為唔知點處理呢段關係好，可能你哋會覺得我無理取鬧，但係我真係唔知點算好，宜家同佢嘅關係就係好似返學明明仲好frd，一放假就好似陌生人咁，我同一齊玩開嘅frd講返，佢哋就係係咁話我諗多左。我真係覺得朋友係需要雙向奔赴，可能唔需要日日見，但一定要個心係到，呢個問題困擾左我好耐，完全唔知點算好，希望各位可以比啲意見我。唔該曬咁多位🙏🏻

#NSS家庭 [GUEST] 我真係頂唔順我阿嫲。(長文慎入) 是咁的，小妺今年16，兩歲開始已經係阿嫲湊(仲有幾個屋企人一齊住)。 細個嘅時候阿嫲講嘅嘢我當哂係真理，但依家大個咗我諗返其實好多都係歪理；同埋我上左中學之後佢開始成日挽嘢(P5P6嘅時候都有不過冇咁多)，我叫哂救命。 我老母住大陸，平時一兩個禮拜會落嚟見我一次。細個嗰陣我阿嫲已經成日都話我老母呢樣唔好嗰樣唔好，有咩事又賴哂落我老母度。例如有次我講大話我姑丈教緊我，佢喺側邊話「肯定係佢阿媽教啦，呢度邊有教佢講大話」；又成日同我講「你阿媽喺大陸日日飲醉酒嘔到個廁所好臭」丶「佢沖完涼淨係用條毛巾包住個身就行出嚟好核突」…….諸如此類(之後先知我老母開酒吧飲醉係迫不得已)。有人同我講過佢唔鐘意我老母係大陸人，佢鐘意嘅係當時我老豆喺香港嘅女朋友(係啊我老豆一腳踏兩船)，但我真係唔明點解要喺我面前數我老母。我老母被你個仔拋棄要食自己已經夠慘，你仲可以咁講嘢㗎咩？ 然後再講下(我上咗中學後)佢平時所作所為： 日日喺屋企睇語殘片聼紅歌，睇劇唔緊要，但係開到最大聲要冚家都迫住聽就真係好緊要。叫佢戴耳機，佢唔肯，話對耳仔唔好；問佢係唔係聽唔到洗唔洗帶佢去check下，又話冇事唔洗check。 嘈我可以接受，但最大問題係佢睇完之後用返哂啲招數嚟對付我。扮可憐借刀殺人挑撥離間呢啲佢全部都睇語殘片惡補到出神入化，例如喺阿爺面前扮弱者，然後阿爺打7我；一朝早大大聲咁話我(例如我整污糟左地下)專登嘈醒全家，叫佢細聲啲就更加大聲咁嗌，然後我就被人鬧，佢就負責加鹽加醋；日日同其他人投訴我，然後依家差唔多全部屋企人都討厭我。講到做戲，小學有次佢無啦啦挨住個雪櫃喺度喊，一路喊一路sir落地，最後坐咗喺地下喊，嗰時我嚇到傻咗(見佢好傷心咁樣)，喺咁氹佢。 我依家基本上一日有20小時匿埋係自己間冇門嘅房。跟住佢就成日想偷窺我做乜，行路完全冇聲突然間就出現喺我房門口，問我要唔要食生果，掃地又借啲意喺門口掃好耐，如果俾佢見我睇小説或者喺度畫畫呢啲「無謂野」又會嗌話我唔讀書，又各種篤灰(「佢上次乜乜乜啊」之類)，搞到家嘈屋閉。

#NSS學校 [SFXC] 小弟今日想唻「多謝」一位老師 我今年F3,為左揀科大家都非常努力,而班主任為左令我地成積好啲,所以經常會喺課堂分享佢以前既揀科經歷,一講就講半堂,佢仲分享過自己個仔考試全級第7（自稱）,但竟然擔心自己揀唔到心儀科目,以此激勵我地努力讀書揀好科既動力。 為左舒緩我地讀書既壓力,每天上課前都會播d悠揚悅耳既音樂,例如我地偉大的祖国既鋼琴家郎朗於天安門演奏既片段, 老師向我們抒發對郎朗既憧憬,估唔到係老師莊嚴外表下藏着一顆對鋼琴既赤子之心。 上堂時,佢並冇作太多講解,而係直接俾答案同學抄,從而訓練我地既獨立思考能力。 老師對同學考試都好上心,考試前佢不斷強調一些某1part必考,又俾1啲其他班中文老師冇提及既”tips”。去到最後考試,佢所講既內容一題都冇考,我真係多謝佢令我學習到更多本來冇點溫過既知識。 能夠有一位咁好既老師,簡直係三生有幸,佢教學突破左人類既想像,我由衷「感謝」佢呢一年對我地班既教導。 Sorry

#NSS個人 [GUEST] 暑假就到，想翻下暑期工充實一下自己。想知有咩暑期工推薦？翻暑期工有咩要注意？

#NSS個人 [GUEST] 小弟中四,第一次投稿 如果文筆唔好,請見諒 係咁嘅,我係一個人緣唔係幾好嘅人 最近我感覺到有一個小圈子嘅人開始孤立我, 我覺得都幾心酸吓,我個人都有一啲相對負面嘅情緒,但係我好快已經平定咗自己嘅情緒,因為我已經喺中二經歷過一次被欺凌+孤立嘅情況,心淡咗。即使係咁,我仍然覺得自己嘅心理唔夠強大去接受呢啲事,我想問點樣令自己嘅心理更加強大同成熟(更加理性),畢竟出嚟社會一堆小人有機會孤立自己

#NSS個人 [GUEST] 2021/7/6 今日落車孭書包嗰陣唔小心撞到位男士 但當時我未立刻意識到後來又反應唔切 唔知點好 最終只係繼續向前落車 我即刻反省咗 認為咁樣真係好無禮貌 我唔應該因為我嘅膽小而直接離開

#NSS學校 [GUEST] 我喺學校有一個識咗唔夠兩個月嘅朋友，但係我哋好friend，我哋會成日黐埋一齊😆。但係近排佢同我哋一個middle friend 玩得好埋成日上堂傳紙仔，所以我有少少呷醋😅。之前會想睇，佢都會俾我睇。但係前幾日我問佢佢就唔俾，佢話係middle friend講咗啲秘密俾佢聽就唔俾我睇。跟住我就冇同佢講嘢，因為佢全程都喺度傳紙仔。我小息嘅時候佢哋兩個去咗廁所，嗰啲字這總共有兩張，有一張佢哋就唔小心擺咗喺枱，我就唔覺意望到，上面寫着我嘅壞話，話我有公主病好八卦之類嗰啲😔，仲話只係唔俾我睇紙仔就喺度唔理人。佢返嚟之後我就扮冇睇到，但係佢哋都知我睇到嘅，跟住我就同佢哋講返嘢，扮冇事發生。而家我同佢仍然一齊玩得好癲。佢哋上堂仍然有傳紙仔，但係我就冇睇喇，就只係會有啲唔太happy會諗返起佢寫我壞話但係我係學校唔多朋友就會當冇事發生。我想問吓其實呢個係唔係我嘅問題，我唔應該咁八卦？😰🤨 唔該你哋可以睇晒呀😊

#NSS學校 [Guest] 大家認為考試試卷老師改錯左，多左分，應唔應該同老師講？

#NSS家庭 [GUEST] 小妹俾阿爸睇到沖涼…依家每晚諗返起都喊…阿媽知道叫我去見社工，但我唔想比咁多人知… 小妹今年F1，阿爸不嬲都有少少鹹濕，可能男人係咁，但我又唔見我啲friend有咁嘅問題（我哋成日都互相講）因為我信得過佢，係我未嚟M之前我都仲對佢冇咁避忌，但我覺得佢好似越嚟越過分，幾星期前我食飯嘅時候同佢坐同一張枱，平時我鍾意幢高隻腳坐，然後我食飯唔小心跌咗粒飯喺櫈嘅邊沿，同我個pet係有一大段距離，我阿爸即刻幫我執粒飯，然後順手兜來摸我，我同我阿媽講佢唔信，我應該點算？之後我屋企廁所個鎖不嬲都壞壞哋，我第一個提出要整返個鎖，我阿爸第一個反對，但我冇諗咁多每日都照去沖涼，平時我沖涼都會播歌，所以我沖緊涼佢冇藉口話唔知然後開門，但今日因為我手機冇電我就冇播歌，佢扮都唔知咁開門入嚟，嗰陣時我冇着衫但係未開始沖涼，之後睇一眼之後即刻閂返，我之後喊咗，於是同左我阿媽講，我阿媽返緊工即刻返屋企，但我阿爸同佢講話係我冇鎖門，然後佢以為廁所冇人就開門囉，但我想講返我屋企兩間房，個廳唔算大，佢行得去廁所嗰條路就應該見到我唔係客廳唔喺房，咁自自然然就喺廁所㗎啦，佢仲開門我覺得係特登嘅…之後我一直唔敢沖涼，最後決定打俾我阿媽，但佢咩都聽到晒，仲喺度話咩生舊叉燒好過生我，我真係頂唔順，阿媽又唔俾我搬去阿婆度，佢話唔想俾阿婆知道呢啲事… Sor for1999，可唔可以幫我諗吓辦法，我老竇成日擦我阿媽鞋，因為之前我老竇做生意嘅事呃過我阿媽…所以唯有咁樣擦鞋彌補，但我阿爸就對我好衰，阿媽喺度就扮晒好。

#NSS學校 [元朗信義中學] 各位請幫助元朗信義學生，本校有同學們在歌唱比賽中唱銀河修理員，喊了一句香港人加油，被DQ並記大過，我哋好希望可以Dear Jane嚟我哋學校唱銀河修理員，害怕被學校清算所以用假account,幫spread ，感激不盡，請到dearjaneheart, #基督教香港信義會元朗信義中學，幫我哋like

#NSS其他 [GUEST] 係咁嘅小妹因為平時鍾意聽日文歌同睇動漫,所以好有興趣去學日文,但係吾知出去邊間到學好。就想問問大家有冇好推薦又或者可以分享下學日文嘅心得畀我去參考ʕ´•ᴥ•`ʔ

#NSS愛情 [GUEST] 想問吓大家啱啱開始拍拖係唔係一定要有性？ （希望小編可以post IG🙏🏻） 小女f.4 三個月前識咗個搭訕嘅男仔，佢f.5 佢份人好主動 有同我WhatsApp同埋flirting 嗰啲

#NSS個人 [Skh] 想知有咩途徑可以識到多啲frd 唔係好鐘意交友app上面嗰啲mk仔

#NSS愛情 [guest] 是咁的 小妹最近鍾意左個女仔frd 都幾熟下 日久生情加上佢幾靚女 所以就鍾意咗佢 平時同佢傾偈佢都會send啲心心嚟同埋埃落我度 不過好似最近先有🙈 問題黎啦

#NSS學校 [元朗信義中學] 話說我哋學校早前歌唱比賽 有兩位師兄唱咗銀河修理員 講咗句香港加油 然後被DQ同大過 話咩佢哋宣示個人思想 學校要堅持佢哋嘅價值觀同埋理念 需要好好咁教導兩位同學 校長唔俾唱愛情歌其實真係好弱智

#NSS其他 [Guest] 想知大家平時係點處理人際關係上嘅問題 我自己採取嘅方法主要係溝通，我一路以嚟都係咁樣處理人際關係上嘅矛盾，自問覺得好有效，將大家嘅諗法都講出嚟，可以針對性咁解決因為誤會而發生嘅問題，亦可以避免因問題長時間擱置而令關係破碎。 但搞清楚，呢種溝通絕對唔可以俾佢演變成嗌交，必須要避免因好勝心導致爭論對與錯，咁樣只會令矛盾加深。我奉行嘅溝通，係一種輪流將自己嘅感受、見到嘅嘢、希望對方去做嘅嘢一一講出嚟，由於係輪流表達，我認為咁樣可以令雙方嘅立場更加平等，亦可以更加理性地討論件事。 但最近我遇到一個人[下稱A] 我唔能夠透過溝通解決矛盾，改善我哋之間嘅關係。我覺得我唔能夠透過溝通來解決問題嘅最大原因係我根本唔能夠明白佢嘅感受，應該話佢所講嘅道理我完全唔能夠理解，可能係因為咁我哋好難達致一個完整嘅對話。喺溝通嘅過程入面佢好容易有好大嘅情緒起伏，甚至喊。咁樣令我好困擾，雖然我知道情緒嘅控制可能對於一啲比較感性嘅人係好難嘅，但當佢變得情緒化，唔能夠理智地溝通，我就認為問題唔能夠得以解決。所以當我發現佢做出情緒化嘅行為，我就會將對話帶過去一啲輕鬆少少嘅話題帶過去，諗住下次再傾，但正正因為咁，我哋嘅問題一路拖延，好似令情況變得更加惡劣。 我知道喺處理人際關係上會遇到好多攔路虎，而我自己亦都遇到過唔少，但以往嘅每一次都能夠以一個真誠嘅對話作為開始，將問題慢慢解決，而且令我哋嘅雙方嘅關係都變得更加好。但係呢一次我真係遇上難以跨過嘅牆壁，我好重視佢，唔希望失去佢呢一個朋友，唔知大家有冇方法可以幫到我？ Sorry for

#NSS學校 [買like可恥中學] Dear Jane呢排出左首新歌- #聖馬力諾之心, 真心好聽, 佢地仲開左個新account做宣傳: @dearjaneheart, 係ig bio寫明

#NSS學校 [Canossa College] P.S:我係一個form 2學生，覺得個籃球場咁大，唔應該淨係俾體育學會踢波，點解唔可以俾人地可以係操場開大食會，反而體育出到嚟無咩用。