#NSS家庭 [GUEST] Admin 唔該po ig! 可能會有少少長 sorry Hello 小妹今年f.5，我係屋企最大個嗰個，因為我仲有兩個細佬一個妹妹，所以都明白屋企可能會負擔唔起，所以我成績方面差不多年年都會攞獎學金，同埋我喺f.3既時候就已經有返pt，每個月人工唔多但夠用，所以我由f.3開始就無問過屋企人攞過一分錢，所有既書簿費學費都係我自己比錢。 妹妹細我2年但都好乖，自己都有獎學金，屋企人亦都唔太需要理佢管佢。

#NSS家庭 [Guest] 【我老竇成日覺得自己三觀最正，品格最高尚】 *長文慎入 話說今日我啊嫲過嚟我屋企煮嘢我食（因為唔同阿媽住，所以阿嫲每個禮拜都過嚟煮飯我食）咁本身我同阿嫲都係同老竇唔同立場，佢又日日睇cctbb睇到上晒腦。有時聽到老竇講啲嘢都好唔安樂，不過都唔會講啲咩。直到今日我忍唔住講咗句「收聲啦好嗎」佢開頭都冇講咩，到我阿嫲準備沖涼嗰陣細細聲講咗句「廢事睬你」，佢就無端端話「我X你，自己搞X掂佢啦，仆X！」我心諗佢無啦啦發乜嘢脾氣。之後我對住阿嫲講「你睇YT帶耳機啦，如果唔係佢又發爛渣。」雖然我知我好串，但係條氣我真係谷咗好耐。跟著我老竇即刻對住我講「我仆你個X，又講我乜X嘢呀，生咗你真係冚家X」 其實平時佢都成日係咁鬧我阿嫲，有時阿嫲煮飯留咗餸俾佢，佢都會照鬧。有時阿嫲只不過係沖涼沖濕咗個地下，佢就鬧到佢好似殺咗人咁。不過好彩我阿嫲都仲忍到佢，冇乜點理佢啲脾氣。我阿嫲本身就冇義務要來照顧我哋，仲要俾佢咁鬧法。有時喺條街到有人唔小心得罪咗佢，佢又要鬧到人狗血淋頭。搞到我好似你厚多士個仔咁，尷到攞命，係個心到不斷同人say sorry。同佢講，佢又唔聽，仲要話我手指拗出唔拗入。That’s why我冇特別事都唔會同佢一齊出街。成日聽到其他人話我同老竇樣又似，個格都似真係好唔開心，我真係唔想似佢。 依家見到佢sorry都冇聲係到好聲好氣同我哋講嘢真係覺得好虛偽，我到底點先改可以改到佢啲爛鬼性格同脾氣？ Admin

#NSS學校 [Guest] 小妹今年f4，內心真係好自卑，但係起朋友屋企人面前係開心果。 講返我先，學校都有好多frd，我個樣平平好肥，仲要因為深近視要帶粗框眼鏡，無可否認我真係好樣衰…內心真係好自卑，陪朋友出去影相，我都係幫手揸機，問我影唔影嘅時候，都會話:算啦唔使啦我唔鍾意影相，其實係諗緊我咁肥咁樣衰影乜啊，會唔會俾我啲frd笑，平時諗緊會唔會試吓帶Con，或者認真減下肥咁樣，但又驚比同學或者屋企人串同議論。 我有個frd係已經識咗好耐，佢講嘢真係好毒，問佢買衫有咩建議，佢就話:咁肥着咩衫都唔靚㗎啦，你咁樣衰算吧啦。可能佢知道我冇咩脾氣，一向都係咁講野，以前真係唔介意，而家真係會越嚟越自卑…同佢由小學識到而家，唔知點做好。同埋有咩辦法，可以自信少少 多謝你睇到呢度😂sor for 1999 (希望admin po

#NSS社會 [GUEST] 細佬今年升中五，想呢個暑假賺啲外快，想問下有無啲咩渠道，網站可以搵到暑期工？

#NSS家庭 [某私校] 事情就係我阿媽唔知點解好鍾意買名牌衫比我，嗰日無端端帶左Prada, LV, Chanel 各一比我… 雖然以前都有買開D貴D大牌子嘅衫比我但今次真係嚇親。讀私校嘅我身邊有好多有錢嘅friend同同學，我都係普通中上資產家庭。但就係越知道身邊有有錢人越唔敢着呢D衫出街，因為感覺好似係到曬命💀人地千幾呎屋企都未咁樣着法而我又唔係好有錢就咁… 同埋我都只係個高中生，成身名牌咁出街唔想比人覺得係嗰D 拜金港女/mk妹🤕 但如果擺櫃底好似又浪費曬佢D錢…

#NSS個人 [Guest] Hiii：） 唔知大家有冇咁樣諗過，而小妺我成日都喺度諗，令我心情成日都非常差，覺得自己好冇價值咁。 有時我會覺得自己係可有可無，不論喺社交，定係喺屋企方面。社交方面，自己比較內向，存在感低，有試過expose 自己一下，例如講下笑，但我發現原來我最介意嘅係尷尬嘅感覺，又唔知點樣令自己面皮厚啲。朋友又唔多，而家都只係同返一齊升上中學嘅小學同學+中一識嘅朋友玩。自我感覺唔太好，覺得自己廢。屋企方面，屋企人又好鍚我，想要啲咩就有咩，最近參加咗學校嘅結他班，我話佢哋揀到我，所以就需要一支結他，爸爸就二話不說咁同我去買<3 我有咁樣嘅屋企，我真係好感激，所以平時考試測驗都會比足200%心機，只係為咗令爸爸媽媽覺得我係有用嘅人。但係我唔知點解我好有罪疚感，我會成日都諗點解自己咁廢，又唔係多才多藝，又唔係其他人咁鋼琴八級等等（而最近都有盡量積極參加課外活動），但屋企人仍然無微不至咁照顧我，疼鍚我？佢哋搵錢咁辛苦，如果冇咗我，係咪會少一份負擔？ 唔該晒admin Sorry for

#NSS家庭 [Guest] 睇咗好多個post都係屋企人偏心細佬妹，但係我屋企就偏偏係偏心家姐。小弟有兩個家姐，一個大我11年，一個大我8年。全屋企都係偏心細家姐。 因為細家姐同吖爸吖媽關係唔好，佢同婆婆一齊住，婆婆屋企又近學校多啲，所以我就跟埋一齊住。婆婆屋企有兩個吖姨，唔係成日都喺到住，但係會嚟探婆婆，成日都喺到。住咗一排發現佢哋真係偏心我家姐好多。 1.錢 我係冇零用錢㗎。因為佢哋覺得我喺屋企食飯又唔會使到錢所以冇畀我。雖然過年生日嗰啲有利是錢，但係成年都係得千幾蚊。如果要買嘢就要問佢哋拎，但係就要比佢哋知道晒買乜嘢，同埋嗰樣嘢幾錢。但係我家姐一個月食飯就有千五蚊，連吖姨有時叫佢幫手買嘢都會畀多少少錢佢。買任何野返屋企都可以。上個月佢買電話用自己錢吖爸都畀返錢佢，話送畀佢。以前家姐講過話佢4年班就有電話，但我到而家都冇，有同佢哋提過，佢哋話屋企好近學校唔需要。 2.食嘢 喺屋企食飯要幫手開枱嗰啲永遠都係我做。家姐就淨係坐喺嗰度叫我攞碗攞筷子，佢就乜都唔使做。一開始佢都有洗碗，到後尾婆婆話佢洗得唔乾淨，就唔使佢洗。佢就買咗個洗碗機，但係啲碗筷又係叫我放入去，啲嘢又係我做晒。 另外，如果屋企啲零食係我食晒，就點都會俾人話，但係佢食晒就冇人話佢。有一次屋企雪糕淨返一條我食咗，佢冇得食就發脾氣，走嚟鬧我，屋企冇人幫我，個個都冇出聲評下理。但係如果係我發脾氣，佢會走來鬧翻我轉頭，屋企嗰個都會幫佢。 3.地位

#NSS社會 [Guest] 本人覺得亂倫其實冇乜問題，雙方肯去絕育，其實都安全唔會有BB，咁冇咗最大嘅問題嘅時候其實係咪真係禁忌原全冇可能呢?

#NSS個人 [Guest] 小弟有選擇性緘默症,平時同有啲人講嘢會開唔到口,呢個病對小弟造成好大影響,尤其是喺學業方面 亦正正係因為咁,屋企人都好想我可以解決呢個問題,雖然佢哋係想幫我,但我覺得佢哋嘅說話真係好唔理解 有一次我老母同我講「唔使驚同人講嘢」好老實講,咁樣同你對住有抑鬱症嘅人講「唔好唔開心」有咩分別呢? 純抒發感受 Sor for 1999

#NSS愛情 [[GUEST]] 第一次投稿，請勿屌🙇🏻‍♀️ 有冇分咗手嘅人可以控制好自己啲情形？本人同ex分咗一年多 見到佢同新gf又唔知點解又有啲唔開心 又諗起啲回憶🥲 請問有冇一啲好方法🙇🏻‍♀️

#NSS家庭 [guest] 其實想知你哋老豆係咪咁，我係屋企根本上好無安全感，成日都已經係自己間房匿埋，因為唔想成日見到老豆，即係我係屋企練舞個陣，佢唔係偷偷望住我，就係監視器到望住我(屋企個大廳有兩個，因為以前呀妹細個要cam住佢，但佢依家已經大咗好多，真心覺得無需要)，同過老母講可唔可以唔要但好似無咩用，因為佢哋就係鐘意監視住人先開心。 例如：我係屋企一出廳，係呀係一出去，老豆就即係出黎，好想知我做緊咩，根本上就好想無時無刻都想知我做緊咩咁，依家已經驚到唔再係廳練舞，逼住係間房到練舞算。我一入廁所沖涼，佢就會係隔離仲廁所到，總知就係每日都係咁，我已經好夜先沖cls。我夜晚出去想食消夜，佢明明已經入咗房，但係一見到我係出面，又出黎，真係又咁想了解我咩，咁想知道我嘅一舉一動？ STALKER BITCH 唔知係我太過敏感定我大個咗，以前係屋企都唔會帶bra淨係着住吊帶底衫同短褲，但係呢一兩年我開始帶返同埋已經無再着吊帶底衫，但係我成日都係呢個屋企好唔舒服，因為佢除咗望住我，仲有時扮唔小心摸到我，例如：佢摸過我條腿patpat條腰，我真係唔想咁敏感但係真係每一日都好唔自在好唔安全咁。以前成日着嘅露腰衫短褲都唔咁着，個種感覺就係寧願比出面啲大叔睇都唔想比老豆睇到。 我每一日都避開ing佢，但佢好俊糖黐豆點都避唔開，我一到大學有能力嘅時候就一定搬出去最多等多幾年，但佢真係好猥瑣我真係好驚，求求大家比啲解決方法我，真係唔好屌我thankyou! sorry if

#NSS家庭 [guest] 話說復必泰接種年齡下調至12歲以上。 今日學校派咗通告問我哋打唔打，然後我阿媽阿爸都要我打，但我唔想。如果打完面癱死咗點算。阿媽阿爸要我打的理由都算好，只係驚我之後要打科興。 我後尾諗，咁如果之後唔洗打科興呢？ 之後阿爸又講，打完針有防護力ah ma，我頓時七竅生煙。最後，我阿媽填咗同意。而今日，我叫我阿媽寫家長信話唔打，我阿媽只話諗下先。 大佬，支針係打落我到ga 最後，我想問，有無人會去打針？

#NSS家庭 [[guest]] 我父母呢排開始對我進行洗腦教育，唔但只迫我睇東網新聞，仲迫我睇大陸電視劇同埋有關解放軍嘅節目，聽歌淨係可以聽大陸歌手嘅愛國歌曲.佢哋仲希望五年內全家搬到大陸住，每次比我老竇聽到我批評香港政府或者共產黨佢都會鬧我同埋收起我部電話，佢仲話我唔可以打復必泰，一定要我等到18歲打科興或者等科興降低接種年齡，連口罩嘅顏色都有規定，我而家日日都受着折磨，我老竇而家連我踢波嘅隊友同教練都要查清楚佢哋嘅政治背景，再咁落去我就會發癲，有冇人有解決方法令我老竇由藍轉黃？sor for 1999

#NSS個人 [Guest] 我想問下大家，平時去游水，換咗泳衣，仲洗唔洗著底褲？

#NSS家庭 [Guest] 是咁的，小妹我，好撚憎我老竇。 我想講，我成績唔算差，全級頭10，平均分70幾，周邊嘅人都叫我做學霸btw佢連一句讚我嘅說話都冇，一啲獎勵，禮物都冇，我都算啦。 因對鞋污糟咗就攞去洗，洗完之後就擺去走廊度晾，晾到7點鐘左右，佢返到嚟，就叫我執返對鞋，一陣間因住俾細路偷啊。 我心諗，呢層都冇細路嘅，點會有細路偷姐，跟住我冇理佢啦，佢就即刻發癲，大大力一嘢拍落我個頭，仲話：次次嗌你你都唔聽嘅，咁乞人憎嘅，唔好激到我扯火呀。 （屋企啲門差唔多俾佢整到爛晒）佢都痴線嘅，執少陣會死㗎，嗌啲乜嘢都要即刻做。 一返到嚟坐喺沙發5分鐘啫，又喺度嘈，又話我啲鞋襪唔擺好，一返嚟淨係識得一坺屎咁坺喺度，大佬啊你一出街就出成五六個鐘，仲要冇得坐，齋行。我中一仲要跟你出街已經好俾面你啦，你仲想點呀。唔攰㗎cls 。 一同佢講嘢就會鬧交，所以我選擇唔講嘢，但係我唔講嘢，佢話我唔理佢，一講嘢又同佢嘈，點啊，食餐飯姐，都要一輪嘴咁講？靜靜地食飯唔得嘅。

#NSS愛情 [GUEST] 小妹今年中四，我發現我鍾意咗啱啱畢業嘅師兄。 我中三嗰陣，因為搞SU而同佢熟。佢好照顧我，之前有個人追我嗰陣成日騷擾我，佢會喺小息嗰陣落嚟我班房趕走佢。嗰陣我仲好弱智，完全唔覺得有feel。佢嗰陣仲搵咗藉口令到我同佢單獨相處（後尾先知原來係藉口），就係因為咁我開始同佢俾人傳喺埋一齊。 冇幾耐，佢啲friend開始佢見到我嗰陣起哄、係咁嗌佢個名。之後仲要dm埋我話其實嗰個男仔鍾意我，其實嗰陣俾佢都已經有少少feel。但係之前拍拖俾人hurt過，根本冇勇氣再同另一個人開始。同埋我之前去醫院test過我有抑鬱同焦慮，我唔想因為咁樣而影響到佢。 升咗中四之後，我冇再搞學生會，佢亦都準備考DSE。就係因為咁我哋冇咩繼續contact。我以為我哋唔再聯絡嗰陣我可以放低佢。但係我發現佢last day嗰日，我已經有啲唔開心。 第二日喺學校見唔到佢開始覺得好失落，好似冇咗啲嘢咁樣。我自問唔係個又靚又高嘅女仔，一路都唔夠膽同佢講你嘅心意。我可以點做… sorry for

#NSS個人 [港島區某中學] admin po ig唔該🙏🏻 （少長） 我喺同朋友之間嘅關係出現咗啲問題, 想花各位少少時間,睇到最後, 畀少少意見 我下年升中三，喺近幾個月同一直好熟,玩得好埋又有晒共同興趣嘅friends

#NSS其他 [Guest] 想問下大家有冇睇過vtuber？ 好似香港好少人睇，驚自己會太油_(´ཀ`」 ∠)_ 想知道係咪得少部分嘅人先知道vtuber，同埋如果有人睇嘅話，最鍾意嘅係邊一位？ 僕はDDです，主推hololive(￣▽￣) 彩虹社唔知有冇人睇？但我主推健屋花那^_^ 同埋最近會長嘅畢業令大家都好傷心，可惡嘅小粉紅哥布林(♯｀∧´) 如果冇睇過嘅都可以試下睇，真係好有趣

#NSS社會 [GUEST] Admin po ig pls 有冇人可以解釋下點解仲有咁多黃絲會鐘意王嘉爾同mk黃旭熙呢啲奶共偽人？見到好多話自己深黃嘅上一個story係講蘋果講黃店etc下一個就係佢哋(甚至係寫住殘體字嘅綜藝cap圖)，當然鐘意佢哋係個人嘅自由但話自己深黃唔覺得好諷刺㗎咩？ 都唔討論政治立場喇，王嘉爾甚至唔理自己講英文嘅fans仲要回頭踩多腳話自己淨係會講普通話(雖然佢喺韓國成日都會show off自己英文)，咁以講普通話為豪不如一世都唔好再返嚟再講廣東話？佢出道時用「第一個香港人kpop idol」呢個名引咗幾多香港嘅kpop

#NSS學業 [Guest ] 我係一個中學生, 我就想改變下自己嘅學習態度 2nd term我淨係溫咗自己有興趣嘅科 其他就hea溫or冇溫 最後尾成績出嚟 有溫嘅就90幾其他唔係-6合格就係炒咗