—類投稿

#NSS家庭 [GUEST] Admin 唔該po ig! 可能會有少少長 sorry Hello 小妹今年f.5，我係屋企最大個嗰個，因為我仲有兩個細佬一個妹妹，所以都明白屋企可能會負擔唔起，所以我成績方面差不多年年都會攞獎學金，同埋我喺f.3既時候就已經有返pt，每個月人工唔多但夠用，所以我由f.3開始就無問過屋企人攞過一分錢，所有既書簿費學費都係我自己比錢。 妹妹細我2年但都好乖，自己都有獎學金，屋企人亦都唔太需要理佢管佢。 細佬A就細我1年，細佬B就細我4年，細佬A自己都有返工，都係好乖既。我同細佬都係做kfc既，所以都賺得唔多。 首先講左點解妹妹無返工但我都無點話佢先，就係因為其實妹妹似媽媽生得都好靚女下，而我哋返工又全部都係返晚間既，媽媽比佢返，但我私心都係唔想佢返，我亦都有同佢講過原因。 但係細佬B就係廢青加港孩一個，雖然咁講自己細佬好似唔係好好咁，但係佢係屋企係乜家務都唔識做嗰隻，佢亦都好明確咁表明過佢睇唔起我同細佬A做緊嗰份工。 咁我哋大個三個細個就係爺爺嫲嫲湊大我哋既，所以我哋都係親爺爺嫲嫲多啲既，所以我哋三個就儲錢買左份禮物比爺爺嫲嫲，雖然唔貴但爺爺嫲嫲都好開心，但細佬B就同左媽媽講，之後媽媽就開始呷醋，係度成日同佢啲朋友講話我哋三個依家大個啦識得孝順爺爺嫲嫲都唔識孝順自己老母啊，不停喺度講不停喺度講。之後就開始同我講，依家咁勁賺咁多錢買禮物比外人，又唔見你比家用比我。(是的，喺我媽媽既眼中我爺爺嫲嫲就係外人) 依家媽媽係度係咁叫我比埋細佬既零用錢同書簿雜費(因為我同細佬都係f.3開始做pt，所以喺妹妹f.3嗰陣媽媽都無再比錢佢，因為其實係我唔想妹妹返工，所以妹妹既零用錢係我比佢既，而佢既書簿雜費係用佢自己既獎學金)但係如果話細佬B係f.3但係又係我唔比佢返工既話，我都可以比埋佢嗰份零用錢，但細佬B就係唔想返工，雖然佢未夠歲數但佢已經講過好多次一定唔會去返工。 我真係唔想咁樣落去，細佬A都有同我傾過，想如果之後媽媽真係唔比錢細佬B既話就佢比錢細佬B，但我覺得養自己仔女唔係應該係父母既責任嚟既咩，生左4個依家淨係養1個係咪真係好難？ Sor for 1999

#NSS學校 [Guest] 小妹今年f4，內心真係好自卑，但係起朋友屋企人面前係開心果。 講返我先，學校都有好多frd，我個樣平平好肥，仲要因為深近視要帶粗框眼鏡，無可否認我真係好樣衰…內心真係好自卑，陪朋友出去影相，我都係幫手揸機，問我影唔影嘅時候，都會話:算啦唔使啦我唔鍾意影相，其實係諗緊我咁肥咁樣衰影乜啊，會唔會俾我啲frd笑，平時諗緊會唔會試吓帶Con，或者認真減下肥咁樣，但又驚比同學或者屋企人串同議論。 我有個frd係已經識咗好耐，佢講嘢真係好毒，問佢買衫有咩建議，佢就話:咁肥着咩衫都唔靚㗎啦，你咁樣衰算吧啦。可能佢知道我冇咩脾氣，一向都係咁講野，以前真係唔介意，而家真係會越嚟越自卑…同佢由小學識到而家，唔知點做好。同埋有咩辦法，可以自信少少 多謝你睇到呢度😂sor for 1999 (希望admin po ig🙏🏻)

#NSS家庭 [Guest] 【我老竇成日覺得自己三觀最正，品格最高尚】 *長文慎入 話說今日我啊嫲過嚟我屋企煮嘢我食（因為唔同阿媽住，所以阿嫲每個禮拜都過嚟煮飯我食）咁本身我同阿嫲都係同老竇唔同立場，佢又日日睇cctbb睇到上晒腦。有時聽到老竇講啲嘢都好唔安樂，不過都唔會講啲咩。直到今日我忍唔住講咗句「收聲啦好嗎」佢開頭都冇講咩，到我阿嫲準備沖涼嗰陣細細聲講咗句「廢事睬你」，佢就無端端話「我X你，自己搞X掂佢啦，仆X！」我心諗佢無啦啦發乜嘢脾氣。之後我對住阿嫲講「你睇YT帶耳機啦，如果唔係佢又發爛渣。」雖然我知我好串，但係條氣我真係谷咗好耐。跟著我老竇即刻對住我講「我仆你個X，又講我乜X嘢呀，生咗你真係冚家X」 其實平時佢都成日係咁鬧我阿嫲，有時阿嫲煮飯留咗餸俾佢，佢都會照鬧。有時阿嫲只不過係沖涼沖濕咗個地下，佢就鬧到佢好似殺咗人咁。不過好彩我阿嫲都仲忍到佢，冇乜點理佢啲脾氣。我阿嫲本身就冇義務要來照顧我哋，仲要俾佢咁鬧法。有時喺條街到有人唔小心得罪咗佢，佢又要鬧到人狗血淋頭。搞到我好似你厚多士個仔咁，尷到攞命，係個心到不斷同人say sorry。同佢講，佢又唔聽，仲要話我手指拗出唔拗入。That’s why我冇特別事都唔會同佢一齊出街。成日聽到其他人話我同老竇樣又似，個格都似真係好唔開心，我真係唔想似佢。 依家見到佢sorry都冇聲係到好聲好氣同我哋講嘢真係覺得好虛偽，我到底點先改可以改到佢啲爛鬼性格同脾氣？ Admin pls po IG thx🙇🏻‍♀️ Sorry for 1999💦

#NSS個人 [Guest] Hiii：） 唔知大家有冇咁樣諗過，而小妺我成日都喺度諗，令我心情成日都非常差，覺得自己好冇價值咁。 有時我會覺得自己係可有可無，不論喺社交，定係喺屋企方面。社交方面，自己比較內向，存在感低，有試過expose 自己一下，例如講下笑，但我發現原來我最介意嘅係尷尬嘅感覺，又唔知點樣令自己面皮厚啲。朋友又唔多，而家都只係同返一齊升上中學嘅小學同學+中一識嘅朋友玩。自我感覺唔太好，覺得自己廢。屋企方面，屋企人又好鍚我，想要啲咩就有咩，最近參加咗學校嘅結他班，我話佢哋揀到我，所以就需要一支結他，爸爸就二話不說咁同我去買<3 我有咁樣嘅屋企，我真係好感激，所以平時考試測驗都會比足200%心機，只係為咗令爸爸媽媽覺得我係有用嘅人。但係我唔知點解我好有罪疚感，我會成日都諗點解自己咁廢，又唔係多才多藝，又唔係其他人咁鋼琴八級等等（而最近都有盡量積極參加課外活動），但屋企人仍然無微不至咁照顧我，疼鍚我？佢哋搵錢咁辛苦，如果冇咗我，係咪會少一份負擔？ 唔該晒admin Sorry for 1999 祝你哋今日過得快樂

#NSS家庭 [某私校] 事情就係我阿媽唔知點解好鍾意買名牌衫比我，嗰日無端端帶左Prada, LV, Chanel 各一比我… 雖然以前都有買開D貴D大牌子嘅衫比我但今次真係嚇親。讀私校嘅我身邊有好多有錢嘅friend同同學，我都係普通中上資產家庭。但就係越知道身邊有有錢人越唔敢着呢D衫出街，因為感覺好似係到曬命💀人地千幾呎屋企都未咁樣着法而我又唔係好有錢就咁… 同埋我都只係個高中生，成身名牌咁出街唔想比人覺得係嗰D 拜金港女/mk妹🤕 但如果擺櫃底好似又浪費曬佢D錢… 溝通都有過，我以前就講過話與其佢咁買D我唔鍾意既衫比我乜如比我自己去揀嗰D平幾倍又啱我嘅，但佢只係變左會買之前影相比我揀，不過都係一時時… 嗰三件名牌就係無問過我買返嚟。所以我都係純粹呻一下，但如果大家有建議都可以比我學下睇下啱唔啱用🥲🙇🏻‍♀️ Sorry for 1999

#NSS社會 [GUEST] 細佬今年升中五，想呢個暑假賺啲外快，想問下有無啲咩渠道，網站可以搵到暑期工？

#NSS家庭 [Guest] 睇咗好多個post都係屋企人偏心細佬妹，但係我屋企就偏偏係偏心家姐。小弟有兩個家姐，一個大我11年，一個大我8年。全屋企都係偏心細家姐。 因為細家姐同吖爸吖媽關係唔好，佢同婆婆一齊住，婆婆屋企又近學校多啲，所以我就跟埋一齊住。婆婆屋企有兩個吖姨，唔係成日都喺到住，但係會嚟探婆婆，成日都喺到。住咗一排發現佢哋真係偏心我家姐好多。 1.錢 我係冇零用錢㗎。因為佢哋覺得我喺屋企食飯又唔會使到錢所以冇畀我。雖然過年生日嗰啲有利是錢，但係成年都係得千幾蚊。如果要買嘢就要問佢哋拎，但係就要比佢哋知道晒買乜嘢，同埋嗰樣嘢幾錢。但係我家姐一個月食飯就有千五蚊，連吖姨有時叫佢幫手買嘢都會畀多少少錢佢。買任何野返屋企都可以。上個月佢買電話用自己錢吖爸都畀返錢佢，話送畀佢。以前家姐講過話佢4年班就有電話，但我到而家都冇，有同佢哋提過，佢哋話屋企好近學校唔需要。 2.食嘢 喺屋企食飯要幫手開枱嗰啲永遠都係我做。家姐就淨係坐喺嗰度叫我攞碗攞筷子，佢就乜都唔使做。一開始佢都有洗碗，到後尾婆婆話佢洗得唔乾淨，就唔使佢洗。佢就買咗個洗碗機，但係啲碗筷又係叫我放入去，啲嘢又係我做晒。 另外，如果屋企啲零食係我食晒，就點都會俾人話，但係佢食晒就冇人話佢。有一次屋企雪糕淨返一條我食咗，佢冇得食就發脾氣，走嚟鬧我，屋企冇人幫我，個個都冇出聲評下理。但係如果係我發脾氣，佢會走來鬧翻我轉頭，屋企嗰個都會幫佢。 3.地位 大家姐唔係同我哋一齊住，但係佢會成日打電話畀二家姐，FaceTime 成日都傾幾個鐘。吖爸吖媽就會打電話俾我，但係係會問佢嘅近況。自問成績都唔差，知道下年會入精英班。但係家姐就留班，但係屋企人都係覺得佢好聰明，我比唔上佢。就連慶祝我入精英班食啲乜嘢本身都係俾佢揀，係佢話唔揀先叫我揀。屋企人知佢留班唔開心，就乜都就晒佢。亂咁發脾氣都唔會有人鬧佢。

#NSS社會 [Guest] 本人覺得亂倫其實冇乜問題，雙方肯去絕育，其實都安全唔會有BB，咁冇咗最大嘅問題嘅時候其實係咪真係禁忌原全冇可能呢?

#NSS個人 [Guest] 小弟有選擇性緘默症,平時同有啲人講嘢會開唔到口,呢個病對小弟造成好大影響,尤其是喺學業方面 亦正正係因為咁,屋企人都好想我可以解決呢個問題,雖然佢哋係想幫我,但我覺得佢哋嘅說話真係好唔理解 有一次我老母同我講「唔使驚同人講嘢」好老實講,咁樣同你對住有抑鬱症嘅人講「唔好唔開心」有咩分別呢? 純抒發感受 Sor for 1999

#NSS愛情 [[GUEST]] 第一次投稿，請勿屌🙇🏻‍♀️ 有冇分咗手嘅人可以控制好自己啲情形？本人同ex分咗一年多 見到佢同新gf又唔知點解又有啲唔開心 又諗起啲回憶🥲 請問有冇一啲好方法🙇🏻‍♀️